احبتي اسعد الله ايامكم بطاعته
اشغلتنا عنكم الدنيا واشغلتنا عن الشعر
واكثرت من الاعتذار لكن قلوبكم وما اعلمه لي فيها تغفر لي تقصيري
قصيدة لامست الجراح وددت ان تشاركوني جمالها
ياهيه ماني للمقفين تباع = وش حاجتي باللي لاجيناه قفا
ترى الرفاقه عزهم بالتجماع= واللي لحاله من عنى الوقت هفا
من فضل ربي طيبنا بالملا شاع =والطيب عندي منبعه مايجفا
راعي الوفا لو مات له ذكر ماضاع =وراعي الردى لو عاش ذكره توفي
خمسه سنين اقول كب التمطاع=يا اللي على جمرة غضايه تهفا
تبخس علي الصاع وافي لك الصاع=ولا من بغيتك باللوازم تخفى
فرشت لك في داخل الصدر مرباع =يعني على ماقيل دايم موفا
كم مرة ٍ وانا من الوقت مرتاع= بردان وانته من عباتي تدفا
اما تصافيني على كل الاوضاع= والا ترى اللي جاك كفا ووفا
(( شاعر ))
قد لايريد الاعلان عن اسمه ولكنني حريص على ان يشارك هنا بحول الله