بين التعب والعناء والهم ( والإكتأب )=ماصرت أعرف ( الليال ) البيض من سوده
طاحت من ( يدين حظي ) في طريق الذهاب=سنين كانت ( ملاذ القلب ) عن نوده
انبح ( صوت الثواني ) وانزوى ثم غاب=وأصبح زماني ( فراغ ) انفاس معدوده
جمعت ( ريح الثرى ) من تحت ظل السحاب=واهديت ( ذيك الليالي ) عطر لخدوده
ولا حصدت الأماني من ( كفوف الخضاب )=إلا بعد ما ( مسح رسمي ) من جحوده
حاولت اجاري ( ظروفي ) رغم كل المصاب=كم قلت للصبر ( روّق ) وابلع ردوده
حاولت بالعسر لكن ( مفرع اليسر ) شاب=ولا قطفت ( الفرص ) ذبلت بعنقوده
مسرى ( طموحي نعس ) في جفن خاطره طاب=من ( تمتمات السهر) لعيون مقروده
والصبح يشبه لوجه اللي ( تعوّد غياب )=سحايب ( الجود ) غابت عن سماء جوده
لبست بعضه ( غبن ) وهو اكتساني ثياب=صرنا ( نتشابه ) انا والصبح وجموده
شحايح العمر هي ( كل العطاء ) من سراب= جفّت ( ملامح جبيني ) اسمع ارعوده
( غربة مشاعر) برحلة عمر كله عذاب=تنزف ( مسافات بُعدي ) وابكي حدوده
مزني نثر ( كل ما به ) فوق مرفأ الإياب=وصفى ( سماء فرحتي ) من هاجس العوده