12 / 09 / 2011, 22 : 01 AM
|
#16
|
|
عضو شرف
|
|
|
+
رقم العضوية »
62
|
|
+
تاريخ التسجيل
»
19 / 04 / 2001
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
1,570 |
|
+
معَدل التقييمْ »
518 |
شكراً: 0
تم شكره 0 مرة في 0 مشاركة
|
رد: سندخل عام 2012 وهذا الحال !!!!!!!
السلام عليكم ورحة الله وبركاته
حياك مرة أخرى أخي الطرقي .... على فكرة عادي خد راحتك حتى لو خرجت عن الموضوع ... ما تزعل الشموع ...
احنا في منتدى الحوار والنقاشات ... وحلو انو موضوع يفتح مواضيع تانية وما نبقى بس نرد ردود نشكر فيها كاتب الموضوع ....
طبعا بعد موافقة كاتب الموضوع ....
أخي العزيز ... يوم القيامة ما نعرف متى موعدها ... وعلى فكرة يمكن تكون بكرة .... ويمكن العلامات الي نعتقد انها ما حصلت تكون حصلت بس محنا دارين عنها ...
اش بقي يأجوج ومأجوج ؟! المسيخ الدجال ؟ عيسى بن مريم عليه السلام ؟ الملحمة ؟
طيب ممكن دي تحصل في يوم وليلة .... يمكن بكرة تخرج تلاقي المسيخ الدجال في وجهك لا سمح الله ....
احنا حنبقى مغرورين لو اعتقدنا انو مستحيل تطلع القيامة علينا لانو احنا كويسين ولسا الاسلام بقوته وبينتشر ... اش دا يا ملكة ... !!
أي اسلام الي احنا فيه دحين !! علماء المسلمين أصبح مشكوك في فتاويهم وعلمهم .. وأصبح مافي علم من أصله ...
قرون أفضل مننا بكتير كانت تخشى تقوم فيهم القيامة .... هدي المشكلة يا جماعة تقوم القيامة على ناس مو دارين عنها ... تجيهم بغتة وفي غفلة وانشغال بالدنيا عن الاخرة ... كل ناس يقولوا لا لسا ما حتقوم القيامة علينا لسا ...
يمكن صحيح حتقوم على ناس مو فاكرينها أو ناسينها ... بس ممكن يحصل دا في يوم وليلة ... شفتوا كيف جات مشكلة الأسهم نست العالم كل شي وشغلتهم بشكل مثير ...
المشكلة انو علامات القيامة والمشاكل تتوالى ورا بعض ودا الشي ممكن يحصل اليوم ...
يا جماعة حتطلع الشمس من مغربها وهي اخر العلامات .... لكن بعد كدا ماحد يدري قد ايش يظل الناس على هدي الحال حتى ينفخ في الصور ...
يمكن في عام 2012 تحصل الملحمة والحرب مع اليهود ... ما انتم شايفين الي حصل لكتير من الدول العربية ... مانتم حاسين بالي قاعد بيحصل في فلسطين وتوجه الفلسطينين لاعلان دولتهم ... واش ممكن تكون ردة الفعل ..
باسألكم سؤال ... السنة هدي بالذات .... كم شهر بس ... شفتم قد ايش حصلت تغيرات في الخارطة السياسية .. ولسا حيحصل ... الانهيار الاقتصادي العالمي على الابواب ...
أنا ما أعرف اش حيسير .... وبأخطط زي غيري لمستقبلي بعد عشرة سنوات .. أبغى أجمع فلوس عشان أبني ليبيت بعد 5 سنين .. لكن بصراحة ما اعرف حيكون فيه 5 سنين ...
ما اتفق ما الي يجزموا انو المهدي حيخرج قريب والا الي يقولوا خلاص احنا نهاية العالم وخلاص سنتيتن وحننتهي ... بس كمان ضد الي يقولوا لسا احنا بخير واحنا كويسين والقيامة ما حتقوم علينا ... حتقوم على ناس ما يعرفوا ولا يطبقوا دينهم على ناس يقولوا كنا نفتكر اهلنا كانوا يقولوا لا اله الا الله .. واحنا مو كدا احنا بنقول لا اله الا الله .... يعني ممكن تقوم على أحفادنا ....
ما تدري ممكن تقوم حرب والا يجينا وباء يبيدنا كلنا ....
نرجع نقول الله يستر .....
الحجاج
|
|
|
|
|
|
|