10 / 10 / 2011, 28 : 10 PM
|
#10
|
|
عضو شرف
|
|
|
+
رقم العضوية »
62
|
|
+
تاريخ التسجيل
»
19 / 04 / 2001
|
|
+
الجنسْ
»
|
|
+
الإقآمـہ
»
|
|
+
مَجموع المشَارگات »
1,570 |
|
+
معَدل التقييمْ »
518 |
شكراً: 0
تم شكره 0 مرة في 0 مشاركة
|
رد: شكراً مجلس الشورى.. لا نريد بدل سكن !!
السلام عليكم ورحمة الله وبركاته
يا هلا والله بالوافي ... يا هلا بالمدير والاستاذ .... يا عيني ع الموضوع .... موضوع الساعة والساحة ... ويمس المجتمع بشكل مباشر ...
بس أنا والله مختلف معاكم يا وافي ... ليش نرفس النعمة برجولنا ونقول لا ما نبغى ... !!
أنا عارف انكم بتقولوا انو لو النعمة حيجي من وراها مصايب وخراب بيوت يسير بلاش منها ...
بس لا تشمتوا مجلس الشورى فينا ... يقولوا خلاص والله ما نديهم شي ... بغينا نعطيهم بدل سكن وقالوا ما نبغى ... ناس غاوية فقر !!
دا الي حيقولوه ...
أنا بأقول لا لازم يدوا موظفي القطاع الحكومي بدل سكن لأنو دا حق من حقوقه هضم فيه ... ولأنو موظفي القطاع الخاص والموظفين الأجانب في القطاع الحكومي بياخدوا بدل سكن في الغالب .. أو يتم توفير له سكن ... فلازم مساواته بهم ..
يمكن في قطاعات خاصة بتهضم حقوق بعض موظفيها وما تعطيهم بس مو دا معناته انو دا التصرف الصح ..
الصح هو انو الموظف ياخد بدل سكن ... وبعد كدا نطالب بأشياء تانية ... نقول لهم نبغى مراقبة للأسعار وتقنين حرية التجارة ... وفرض رقابة على العقار وأسعاره والغاء حرية السوق و تحجيم جشع المضاربين .... وفرض ضريبة على الأراضي البيضاء .... ونطالب برفع الرواتب ... ونطالب برفع مستوى البنية التحتية وتفعيل دور هيئة مكافحة الفساد .. و و و و و ...
لكن ما نتخلى أبدا عن حقوقنا عشان النتائج السلبية الي ممكن تترتب على الحصول على هذه الحقوق ... لأنو رفض حقوقنا هي بطر على النعمة ونسير بجد ما نستاهل يتعطى لنا وجه بعد كدا ... ولأنها هزيمة وانكسار ...
بالاضافة الى الدور الحكومي اللازم لضبط الأسعار ... فإن الدور المهم الذي قد يحرك الدور الحكومي هو الاضراب الشعبي الفعال عن الاستهلاك الجشع في الضروري وغير الضروري ...
لاحظوا أنه رغم الزيادة في الأسعار .. الا اننا لسا بنشوف البطر في مظاهر الأفراح .... والبطر في شراء الحاجيات الغذائية ومستلزمات البيت ... وغيرها ...
يجب علينا مقابلة ارتفاع الأسعار برفض الانصياع للتجار ومقاطعتهم ... بالتقليل من شراءنا
ومو بس كدا ... المفروض ما نشتري الأشياء الغالية ونشتري الي يقابلها وأرخص منها ... عشان نخلي التجار يضطروا يرخصوا أسعارهم ... عشان لا تبور بضايعهم في المخازن ...
لأنو ارتفاع الأسعار يعتمد على العرض والطلب لو مافي طلب غصبا عنهم حينزلوا أسعارهم ... لكن احنا يبيعوا لنا الي بريال بالف ريال ما عندنا مشكلة نشتري وبعدين نبكي ونغني ظلموني
ليش دحين كلنا نبغى نسكن في سكن خاص ونستأجر بيوت واسعة ...
يا عمي ليش ما الشعب يقوم بتوعية والكل خلاص يبطل يشتري أراضي ... ويوقفوا الناس بناء ... ولما يجي صاحب البيت يرفع عليك الايجار أخرج من عنده واسكن في بيت أرخص حتى لو أقل في المستوى ...
لكن لازم نعمل كدا ....
لأنو مو معقول الزيادة دي في الأسعار حيجي وقت حتطيح فيه كل الأسعار وحيتدهور البلد اقتصاديا زي ما حصل في الأسهم ....
وافي ..... مشكووووور ع الموضوع .... بس الله يرضى عليك خليهم يدوا العالم بدل سكن ... ما أدري ليش أحس انو لو كلمتهم على شي حيسمعوا لك 
الحجاج
|
|
|
|
|
|
|