المواد اللي كنت أميل لها ولازلت أحبها
اكثر ثلاث مواد احبها ومازلت
الأدب:: يمكن لاني من قبل لاادخل المدرسه كنت احفظ القصايدواتذكر ملحمة التبع اليماني اول ماحفظت وكنت اجلس بين ابوي واخوالي فكانت خلفيتي عنه مبكره فكنت متحمسه اعرف عنه اكثر
التاريخ ::كانت محبتي له من خالي كان دايم يناقشنا فيه وكان لاستاذة المادة دور كبير في هذا الشي
علم النفس ::من درسناه وهو داخل مزاجي فمن بعدها صرت اقرأ عنه بكثره
****
في ماده احبها بس لااحد يستغرب رجاء
مع اني مادرستها لكن قريت كتب عيالنا
مادة علم الارض (الجيولوجيا)هالمادة ممكن يشوفها البعض جامده
انا اشوفها مادة اكتشاف لما ترتبط بالعملي اكثر
لو يتيح لي في يوم من الايام ادرسها واكمل فيها
باكمل بدون تردد
::
بصفه عامه مواد العربي كلها كنت ابدع لكن الادب و البلاغه كنت استمتع فيها
الكيمياء تعجبني اذا كانت عملي

*******
المواد اللي ما أحبها
الرياضيات والسبب في ابلتنا الله يسامحها ويجزاها الخير
كنت اكره جدول الضرب فكنت احفظ جدول الواحد والاثنين والثلاثه والخمسه والعشرة بس
و فـ يوم قالت بكره تسميع قلت طيب ماادري اش سويت بيومها لكن المهم اني ماحفظت او اني وصلت للاربعه وبس
المهم من البكره قومتني سمعت الاثنين ممتاز الثلاثه ممتاز الاربعه ممتاز والخمسه ممتاز يوم بدينا السبعه والثمانيه لعبت فيها لعب
فقالت روحي للمديره ومن نحاسة الحظ ان خالتي تدرس نفس المدرسه
فكنت امشي واتلفت ماابغاها تشوفني ويصل الخبر للبيت <<<<مصيبه بنتهم رايحه المديرة اكيد كسلانه
فكان ثلاث ارباع الفصل كلهم للمديرة ووكانت تفرش بمسطرة مكسورة من احد شبابيك المدرسه
فاول ماشافتني المديرة الله يسعدها وين ماكانت ،قالت انتي ممتازة وش اللي جايبك عندي قلت الابله ارسلتني لك
وقلت لها السالفه قالت ارجعي لفصلك وبكره انا اسمع لك ،فالحمد لله سترت علينا
ومن بعدها هي اول واخر مره ادخل الادارة كعقاب
واخر مره اتهزأ عشان جدول الضرب كنت احفظه بالحصه اجيب ممتاز واذا طلعت مااعرف ولا شي بالجدول
كرهت هالماده من ابلتنا والى هاليوم ماحب هالماده يمكن اجيب درجة عاليه فيها لكن أبد انا وهالرياضيات مانتفق
ومادخلت علمي لهالسبب

***
الفيزياء بين الحب وبين الكره
والباقي عندي عااادي
......
اخوي عبدالله رجعتنا شوي للخلف
فكره جديده للوئام من كاتب متفرد
الف شكر
دمت ودامت ايامك بكل سعادة.