/
دروس الليالي شيّبت عارضٍ .. ما شاب
و شيب اللحى عقب التجارب شهادة طيب

و انا رفقتي للرجل ما هي بـ ضحكة ناب
هي الزم على نفسي من حساب نقد الجيب

أحب الجماله واحسب لـ كل شيء حساب
و هرج القفا ما ينقله من يخاف العيب !

هذي لذة لسان الردي والردي وش جاب ؟
و راعي الردى مسعاه تال النهار يخيب

أشوفك جفيت و خاطري عقبكم ما طاب
وقلبي على رفقتك .. يقنب قنيب الذيب

مكانك بـ صدري له ركون وعمد واطناب
لك الله على ما اقول .. والله عليم الغيب

غلاك و غلا صاحبك في كفّتين نصاب
غلاً خالصٍ لله .. ما فيه شك و ريب !
\
أصونه عن عيون الحسد والعيون حراب
عساها عيونٍ من بلاوي الزمان تشيب
:


:
مما أعجبني كثيراً