 |
 |
|
 |
|
انا الوطن وانت الأماني والارواح
تقدر تخيل هالوطن دون ناسه !
باقرّب الصورة لك شوي يا صاح
واشرح غموض السالفة من أساسه
ا هناك كانت قريةٍ دون سياح
خصوص سياح الحقد والنجاسة!
كانوا هلا القرية على قلب فلاح
ينام لا شق الفضاء شال فأسه
ولاجاء نهار العيد هلّوا بالأفراح
وكلن لبس ما يملكه من لباسه
اجواد نيتهم على الخير مفتاح
ما يعرفون اهل الردى والبلاسه
يعني كذا بالمختصر وانت لمّاح
كانوا (قرايا) قبل وقت الدراسة
وفي يوم اسود جتهم كلاب بسلاح
تطهير عرقي خطة أنجس سياسة
وصاروا أثر من بعد عين وزمن راح
هذي سوات البعد لادق ساسه
يجعل ربيع اوطاننا خوف واشباح
وعقب الفرح يصبح بوضع إنتكاسه |
|
 |
|
 |
اشهد انها تستاهل الاقتباس وتستاهل الحفظ..
عبد الله العتيبي قليله بحقك كلمة مبدع.
ماادري وش اقول امام ذا الابدااع وذا المفردات الجميله..
كل اللي بقوله ان الصمت في حرم الجمال جمال..
صح لسانك جعل عينن تغليك ماتبكيك