الفرق بين الشاب النجـدي والشاب الحجـازي
الفرق في التعليم :-
النجدي يوم تجيه تقول له ها كيف الدراسه ؟ يقول لك تمام وتسأله في مواد صعبه؟؟ يقول لك قول وش فيه سهل ؟! وخاصة هالانجليزي ترى بيني وبينه ثار ياذابحني ياذابحه ويوم يجي اخر الترم مافي علامه حمراء الا على الانجليزي سوا فيها روبن هوود ...
اما الحجازي اول ماتجيه تقول له سلام عليكم يقول لك قوود مورنينج تقول حشا مستر جونسون الاخ ويوم تقول له كيف الدراسه ؟ يقول ميه ميه باقي لي ترم وانا مهندس طموح هتلر ...
الفرق في الاكل :-
يوم تخاوي نجدي لمطعم ماتسمع غيريصيح باعلى حسه تقول مؤذن ياقهوجي لكن الحجازي ماتسمع غير اصابيعه تطرقع اكس كيوز مي ويوم يجي الاكل الحجازي مّّرّكب كاتم صوت قبل مايدخل المطعم اما النجدي صوت عتاب في فمه مع طيرانها (.......................................)
الفرق في المغازله :-
ياويل بنت تمشي من قدام نجدي ياهو حاطط الرقم في برقعها ياهو ساحبها مع يدها يقول لها ترى العشاء عندنا لكن الحجازي يمشي على خطوات الاعجاب الي هي نظره فابتسامه فحديث فموعد فلقاء
الفرق في الاسواق :-
النجدي تلاقيه ماشي كانه سيف عز الله راشينه بعلبة ماريتو كامله قبل مايطلع من البيت والسبحه ماتفارق يمناه لكن الحجازي انسان Free يمشي يضحك ياكل فشار يشرب عصير تقول مخلخل
الفرق في الاسماء :-
اذا جا مولود لنجدي سماه خالد تركي سعود عليان واذا ازمت معه مره سماه نوفل اما الحجازي اذا جاه ولد سماه رامي وسام عمار عمرو.. واذا انقال شي في مجلس رجاجيل عاب رجال منهم قام مفزوع وهو يصيح انا ولد ابوي تقول صدام رش الكيماوي
لكن الحجازي مع اني اشك انهم يجلسون في مجالس يقوم مفرصع عيونه ويقول استحي على وشك ولا رح امشي عز الله ظلّم المجلس بروحتك يالغالي
على العموم الاثنين مانستغنى عنهم لكن وجهات النظر كثيره ومع كل اختراع تلاقي فروق في الاستعمال اسف اذا طولت عليكم مع السلامه ..... ههههههههه نسيت أقول إن هناك بعض الفروق تدرون خلوا نبدأ من جديد يعني من طق طق الين السلام عليكم....ههههههههههههههه.. السكن والمصروفات :
النجدي اذا بنى بيت يبنيه عشان الضيوف مجلس ومقلط نص البيت
وكلها ثلاث عزايم في السنه
الحجازي يطبق نظرية انا اول وبعدين الضيوف هذا اذا فيه ضيوف

النجدي يتسلف ويسدد اقساط عشان يركب سيارة كشخه
الحجازي يركب كسرة سيارة بس الشقه متحف وجدرانها معرض

النجدي مضيع راتبه في الكرم
الحجازي يمسك رياله وبشده

-------------------

السلوكيات :
النجدي بحكم احتكاكه بالطبيعه المتمثله في غبار نجد
تجده فطن ذكي حار ملقوف
الحجازي بحكم استنشاقه كميات هائله من اكسجين البحر
تجده وسيع صدر وماله شغل في غيره

النجدي راعي فزعات
الحجازي نفسي نفسي

النجدي اذا اخطيت عليه ماينساها
بعد عشر سنوات يقول لك تذكر يوم ويوم ويوم انك
الحجازي يسوي فورمات للذاكره

-------------------

الشكل الخارجي :
النجدي تخصص ثياب وشمغ وغتر
والحجازي تخصص سبورت

النجدي اوسم من الحجازي
الحجازي البق من النجدي

-------------------

التعامل مع الجنس الناعم :
النجدي تمر البنت من عنده يفحصها بعيونه فوق تحت تقول يبي يتزوجها
الحجازي مالي ومال الناس

النجدي اذا كلم خطيبته لسانه حلو وكلامه اشعار غزل
بس بعد الزواج يعتمد على الجو
الحجازي مايدغدغ مشاعر خطيبته يعني شوي سماجه
بس بعد الزواج يعتمد على الجو

النجدي المتزوج يطلع مع الشباب اي وقت
الحجازي المتزوج انسى خميس وجمعه
خميس وجمعه للبزوره

النجدي يمشي قدام والحرمه وراء بخطوتين
الحجازي يمشي وراء والحرمه قدام بخطوتين

المجالس
كلهم صجه ولجه ... وشباب نجد تلقى الغالبية يتكلم تقـول وين اللي يسـمع ، أما مجالس الحجازيين الملاحظ ان كلام بعض الحجازيين لا يخلو من الكلمات الردئيه
طبعاً هو مايقصد وعنده عادي بس هذا مايجوز
مثل الكلمات :
(............)

التعامل مع الاطفال :
الحجازي يعطي فرصه للطفل حتى في المجالس
النجدي يكرش الاطفال خارج مجلس الرجال

بس فيه شي مهم في موضوع الاطفال
الطفل الحجازي مؤدب ويحترم اللي اكبر منه وغالباً يسمع الكلام
الطفل النجدي بثر ويرد عليك الكلام

ارجع واقول كلهم عينين في رأس هذا سيف وهذا غمده وحبايب واخوان ... يعنـي سمن على عسل ...

تحـياتي للجمـيع


...........................................

وعلى فكرة تراني شااااااااااااب نجدي
وكل النوعين على راسي من فووووووووووق
وتسلموووووووون

هذا الموضوع مخصص لنجد هشان يتوب ومابتكلم عن الحريم