[poet font="Simplified Arabic,16,blue,bold ,normal" bkcolor="" bkimage="http://www.mahroom.net//backgrounds/11.gif" border="double,4,gray" type=0 line=200% align=center use=sp char="" num="0,black"]
كتبتك فوق صفحات الغرام بدفتر النسيان = تخون الحب ما تصدق على الحبلين مغروره
أنا يا بنت إذا حبيت أحب بخافق ولهان = وليامني عشقت أعشق وضوح الصوت والصوره
شهم صادق طبع فيني وطيبي دوم لي عنوان = وفاء مبداي بالدنيا أشوف النور من نوره
وعندي عزة بنفسي ولا ألعب في ورق خسران = ودناة النفس ما أقبلها ولو وقتي كثر جوره
عرفتيني من الماضي وفي كلي شعور إنسان = وفهمتي خافي إحساسي وغصتي داخل بحوره
وفاء وإخلاص أقسمتي حلفتي بأغلظ الأيمان = وقلتي حبنا يبقى سنين العمر وشهوره
ولكن للأسف طبعك غلبك ورجح الميزان = نسيتي كل ما قلتي وقلبك ماتت شعوره
كشفتك وأنت ما تدري لعوب وداخلك شيطان = بعيني شفت ما أخفيتي وثارت داخلي ثوره
وزلزل واقع الصدمه خطاي وفجر البركان = بعد ما كان تمثال وهوى من عين مسحوره
وهبت ريح في لحظه تحول بحرها طوفان = جبال أمواج باغتها يلاطمها على صخوره
قدر وتحطم المركب حقيقة أعلن الربان = وصاحت كل ركابه من المجهول مذعوره
ولحن الموت يعزفهم موسيقى كلها أحزان = ورقصوا مع ترانيمه بقايا أشلاء منثوره
فراق اليوم وأنسيني وعدي حبنا ما كان = بيديك الحب ضيعته تلاشى وأنتهى دوره
حقيقي هذه شعور تجاهك ما تبي برهان = سراب وكان بعيوني غشاها بس معذوره
من الأعماق سجلتك حروف بصفحة النسيان = نسيت وقدرت أنساك وأنسى الحب مشكوره

هذه القصيده لا اعرف قائلها
من يعرف قائلها يخبرنا ونشكره

تحيات اخوكم الحسام
[/poet]