العتاب ! ادري انك مانت حمل العتاب= والزعل ! ياعسى الله مايجيب الزعل
االغياب ! انت تدري ماحتمل للغياب = وادري اني لو اني غبت ماحدٍ سأل
العذاب ! ارتضيته لي وعشتك عذاب = ياعذابي .. وياالغفران للي حصل
الصواب ! الله اعلم بالخطأ والصواب = وكل شخصٍ معرض للخطا والزلل
وزعل
!!
اربع ابيات جاته ضمن رد الجواب = والبلا انه فهمها بالخطأ وانفعل !
ورد برسالةٍ جابت لي الاكتئاب = كنه اللي كتبها من دموع المقل !
هييه !! " وافي " ! وش اللي صار يابو الشباب = وتهت مابين ممكن ! قد يكون ! ولـ عل !
قلت من باب مانفتح للأسباب باب = باتصل به.. ورن .. ورن .. حتى فصل !
وبت بين الأمل والخوف والأرتياب = وعقبها وش حصل ! وش صار لي ؟ لاتسل!
وابل دموع عيني مثل وبل السحاب = مثل دمع الخفوق اللي بصدري همل
دام يانور عيني سيد تلع الرقاب =حل حبك بقلبي لين غصب استحل
باتصبر وباتصبر واتحدى الصعاب = وكل صعبٍ بعون الله بيصبح سهل
لو تعود سراب ابطردك يالسراب = مالتفت للي يقولون طرده جهل
والله اني على شانه لأسوق الركاب = وين ماشد اشد وبانزل اليا نزل
رحلتي بالهوى حرم عليها الاياب = في محطاتها وآخر محطه " أمل "