لي متى يشبه شروقي يا ولدعمي غروبي = لي متى وانا اتحاشى من شعوري واتفيا
البلا اني كل ماجيت اتحلل من ذنوبي = مالقيت مسامحه وابليس يزهمني تريا
اوجعتني ضيقتي والناس حولي مادروبي = بين قوم من وصال وبين قوم من جفيا
كل ما ضاقت علي اوساعها باحت اغيوبي = وان سلمتك ياالمواجه ماسلمتك يالقفيا
لا..تقول ابومحمد.. مالي اعيال وعزوبي = وينه محمد واناماني هناك ولا...هنيا
قل (علي) والابلاش ان ضقت قلي ياجنوبي = والجنوبي ماذبحه الا المسامح والحميا
ضاع عمري وانكسر قلبي و ربعي غربلو بي = و اوقفولي واخر المشوار باعتني شفيا
يامحمد واصدقاي اللي مساكنهم جيوبي = روحو حسبي عليهم من هنا لين الثريا
لا.. تقول اعيوبهم خلهم وعلمني عيوبي = كانني غلطان علمني وانااتاسف بليا
يامحمد .. يا محمد .. يا محمد لد صوبي = ماتضيق وعاد فيني حيل وانا خو مهيا
قلهم شفت البحر بصابعه وان عذربوبي= رحت اصب البحر في كاسي وانادم واتهيا
والصحيح ان الزمان اللي غدى دوبه ودوبي = قلت ودك ننهي الموضوع ونحله .. وعيا