 |
 |
|
 |
|
من غربة الفرحة الى حد الأحزان
عمري مواني والجروح السفينة
حاولت دفع موادعه قدر الإمكان
ظني نهايات العواصف سكينة
لكن تبع ظني من البعد بركان
فجّر مشاعرفي ضلوعي دفينة
وبديت بالرحلة ولا فيه عنوان
وودّعت معها كل ضوء ومدينة
وبين إحتكام الهم والهم سلطان
وبين الظروف السود شفت الغبينة
ياخذني التفكير والفكر شيطان
يعرف تفاصيل النفوس الحزينة
ويحرك الهاجوس بي كل وجدان
وتطوي تفاصيل الأمل صفحتينه
كفّرت ياما عن ذنوبي والأشجان
لحظات كانت بين عيني وبينه
لاقلت هانت يصرخ الوقت غلطان
بينك وبين آمآل قلبك >>>سنينه
مجبور أجاري وأسكت أحيان وأحيان
ينوح شعري والقوافي >>> حنينه |
|
 |
|
 |
شيطان فكرك ثور شيطاني بس احب شيطان فكرك لانه يشيطن شياطين فكري
قلت اقتبس بيت بيتين ثلاثه وكل بيت لقيته اجمل من الثاني وكأنهم في تحدي..
قلت مال الجمال الا القمه فـ قتبستهم جميعا ..عبد الله العتيبي)اسم يمتلك روعة الجمال والابدااع..
شاعر متمكن شاعر بكل مجالات الشعر يبدع وهذا حقيقه وليس مجامله..
مااقول الا صح لسااااااانك...وكل عام وانت بخير وكل عام وانت عبد الله العتيبي وكل عام وشعرك متربع القمه ,وكل وو بس لاجيب العيد...انني احبك واحب شعرك ..والسلام عليكم ورحمة الله وبركاته