السلام عليكم

وش اخباركم...

هذه طريقة الحلا اللي طلبتوووه وتراها سهله مررره وماتاخذ وقت



اول شي تجيبون كيك بالشوكولاته اللي يكون بقصدير الجاهز ، او انتم تسوون بس جيبوا جاهز احسن واسهل
وتفتفتونه وترصونه بصينيه اللي تنفك

(( الصينيه لازم تكون مسكررره زين عشان ماتتسرب الطبقة الاخيره .. انا اول ماصلحته كان بالصينيه فتحه صغنونه من تحت وبعد ماحطيت الطبقة الاخيره تسربت وطلعت كلهااا من تحت))

( 2 ملعقه حليب بودره + ملعقه صغيره نسكافيه + شوي مويه ) ينخلطون مع بعض وتسقى الكيكه فيه

بعدين تاخذون كم حبه من بسكويت الشاهي وتكسرونه ع وجه الكيكه


بعدين يخلط ( 2 باكيت كريم كراميل + 4 ملاعق حليب بودره + 2 كاس مويه )
ويحرك ع النار الين يغلي

ينحط خليط الكراميل مع باقي باكيت البسكويت اللي كسرناه مع ملعقه صغيره
نسكافيه مع علبه قشطه وبالخلاط

وينحطون على وجه الكيكه

بعد هيك نخلي حلانا يبرد بالثلاجه ثم نسوي الطبقه الاخيره
وهي كـ التالي ( 2 باكيت كريم كراميل + 4 ملاعق حليب بودره + 1 ملعقه شوكولاته + ملعقه صغيره نسكافيه + 2 كاس مويه ) على النار حتى يغلي



اوكي بعد كذا نطلع الحلا من الثلاجه ونحط عليه الخلطه

بعد هيك تنحط بالثلاجه الى حين التقديم

بعد التقطيع يزين بالهرشي

وبسسس بكل بساطه تحسين نفسك انجزتي شي وصرتي سنعه,,