السلام عليكم
كيفكم
اليوم بخبركم شوي عن جدتي
____________________
الكل يحب جدته والجلسه معاها
وبخصوصي انا كل اسبوع اروح ابات عندها
وفي يوم من الايام مرضت جدتي فاضطريت طول اليوم ايلس البي طلباتها
عاد انا وااايد عيازه ماحب اتحرك
والجدات مرات يزودونها
يحبون يدلعون
مره قالت لي يابنيتي شوفي
انا ادري انه عمري قرب ينتهي
وبرحل من الدنيا وبخليكم
قلت لها : لا جدتي الله يعطيج طولة العمر
قالت لي : شوفي انا حبيت اعطيج شي اكراما لج ...
قلت : لا جدتي انا سويت الواجب وماريد شي منج غير صحتج
قالت وهي تقوم من فراشها انتظري بروح اييب لج اياه
قلت وانا احاول اردها مكانها : لا يدتي انتي تعبانه ولازم ماتتحركين
قالت : لا الحين انا بخير انتظريني شوي
وراحت جدتي ويلست انتظرها
انتظرت
وانتظرت
مرت نص ساعه
قلت وين راحت هاي
غريبه
دورتها في كل البيت مالقيتها
فقلت مابقت غير الغرفه اللي فوق ( هاي الغرفه نادر احد يدخلها )
صعدت الدرج وفتحت باب الغرفه
ولقيت جدتي
بس
شوفو كيف لقيتها
مسكينه كانت تحاول تفتح الخزانه وظلت تحاول وتحاول لين ماجيت ونزلتها :D
_____________
تحياتي : المؤلفه عشقوق:D