منتديات الوئام - عرض مشاركة واحدة

16 / 03 / 2010, 37 : 10 PM

بسم الله الرحمن الرحيم

السلام عليكم ورحمة الله وبركاته

هذه قصيدة ام مسنة قصتها باختصاار(سار عليها حادث ودخلت غيبوبه وبعد ماصحت وجدت نفسها بالدار ومازارها احد من اقاربها الا ولدها مرة واحدة فقط ومن بعدها ماشافته ،وقالت القصيدة وهي بالدار)
&*&*&

تكفين يا طيور حرار افزعيلي***أبي عن ديــــار الأهل منك الأخبــار

تكفين حومي فوقهم وارجعيلي***وإلا إن حصل لك حومة داخل الدار
تكفين حول ابيوتــــــهم دوري لي***سبعة فروخ يـوم أخــليهم صغار
شوفي ضناي وعودي وانكفي لي *** وشلونهم ياعلهم صــــــاروا كبار
نسوا دفاي ونومهم في شلـــــيلي***وش علمهم ياعلهم طول الأعمار
قولي لهم إن إمـــكم له عويــــــلي***خمسة سنين دمعـــها دوم مدرار

وقولي لهم إني علـــــى طول ليلي *** أنوح ولــــيا قرب الصبح أنهار
وقولي عـــــيونه دايم له همــــيلي***تبكي ليا شافت من الناس زوار
كل يوم أقول غدي حديهم يجيلي***راحـــت سنيني مابهم واحد زار
وأنا اللي من سبــة سوات الحليلي ***حالـــــي تردت كل ماله وتنـــهار
وفرقى ضناي اللي تردت بحــــيلي***كني على شوفتهم اصلى على نار
ياويلي كان الله عــــــجل رحـيلي*** وأنا لي ســـنين أبي لوهي أخبار

ياعــــونة الله من يبي يرتكــي لي***جارتعلي بأمر الولي كل الأقدار

تنكروا من يدخــــلون الدخـــيلي ***واللي بوسط ديارهم يامن الجـــار
قولي لهم ياطــيور قلبي علـــــيلي***الله يكافي قلوبهم صــارت أحجار
وأنا اللي لبراق الخيال استـــحيلي***وأقول ياعــــل (.......) للأمطار
تكفين وسط ديارهم صـوتي لي***شوفي عسى لاسمي مع الناس تذكار
وقولي لمن نسيانهم يستـــــحيلي*** يااللي نــسيتوها ترى الوقــت دوار

ياهيه ياللي بالسما لك هديلـــي*** ردي خـــــــبر تكفين يكفيني أمرار
شوفي أكااللي نومهم في شليلي *** من آذان المغرب لوقــــت الأسحار

شوفي أكااللي ماهتني في مقيلي *** إلا بمقيل معــــــــــهم كبار وصغار

وقولي لهم إن كان حـــملي ثقيلي *** مره يجــون وعقبها شي ماصار
وأنا يـــــــتولاني كريم جلــــــيلي *** ياعلــــني في جنته وسط الأبرار
&*&*منقوول&*&*