هذه تقريباً المرة الخامسة ان ماخاب ظني في العد ادخل واشوف ..
الي سويته هو التالي..
جبت اخوي وقريته الموضوع وقلتله اسمع راح انزل احد الاشعار وابيك تروح لاخوي الثاني وتقوله اسمع لقيت هالشعر منقال عن اختي لانه محتفظة فيه في صندوق رسايلها الخاصة وابي اشوف ايش بيسوي..
المهم عديت العدة واستعديت وعبيت الذخيرة وسرت بمشيئة الله وانا اقوول ياويلك يالوافي اذا جاني شئ ..وعاد انا الملقوفة لكن فعلاً ابي اشوف النتايج؟؟
ايش تتوقع..
طبعاً انا اكبر اخواني..والحمد لله الجميع بلااستثناء يثقون فيني ثقة عمياء اسئل الله الثبات..
فجاء اخوي ووجهه منقلب وهو عصبي درجة اولى وماتوقعت اسلوبه بالكلام معي..
وقالي: اسمعي هذا وين شافك علشان يوصفك؟؟
قلت:الحين الاوصاف الموجودة تشابهني؟؟
قال لا..
قلت خلاص هو حب يعبر عن مشاعره..
قال:طيب هو نزله كموضوع عام؟؟
قلت:ايه والصراحة انه قال اهداء وحطه باسمي..
الولد يقلب بيده اولاً للعبط الي انا قاعده اسويه ولاحترامه لي الله يسعد ايامه ويوفقه ويرزقه من حيث لا يحتسب..
قال باقولك كلمتين..سواء هو قال الشعر فيك او نقل شعر وقال اني كتبته لك..ان كان صادق في حبه والله ثم والله ماينزله على العام ويخلي كل من هب ودب يقراه لان الشاعر اذا حب يحب ان حبيبته تعيش في قلبه لوحده<<على فكرة اخوي يطقطق في الشعر ولقطته اكثر من مره في ابيات له في الوصف بس ياهو اكلني اكل.. ليش اقرا من غير استئذان...
هذا واحد نصاب وكذاب وانتي الان في عمر يسمحلك تفرقين بين الصح والخطأ تكفين يااختي لاتحطميني اذا انتي طلعت منك هالعلوم اجل كل البنات ضايعين..
المهم قلتله تبي الجد...وقريته الموضوع وناديت اخوي الثاني وقلتله ان السالفة بس رد للسؤال احد الاعضاء..
هو كانه وده يقول شئ لكن كل الي سواه شالني وحذفني على السرير وقال راح تعيشين وبتموتين مجنونة يااحلى مجنونة الحين نشفتي الدم في عروقي وخلتيني في حال لا يعلمها الا الله وفي الاخير تبين تردين خبلة..
ومعليش يالوافي انا بانقل الي قاله اخوي عنك..
قال خبلة والي كتب الموضوع اخبل وكلكم خبلان واقترح عليكم تسمون منتداكم منتدى المخابيل..
المهم لواني فعلاً ولد سواء الشعر عفيف او غير ذلك بامرط رقبته مرط والمرط هي اقصى انواع الشد..
لكن اذا كانت اختي خطيبته او زوجته.. ابو القطة رجال ويتغزل في زوجته ابنشبلهم في حياتهم..
اتوقع اني رديت لا واكلت الردودة لانه طلعتلي زعرورة في راسي(والزعرورة كلمة مرادفة لنفيخة تطلع في الراس او الجسم بسبب الارتطام بشئ صلب) من الحذفه هو يبي يمزح لكن والله يامزحته مخلوطة بشويت جد..