مما بروحي لا أزعج الصوت وادعيه = غديه يسمع صيحتي من عذابه
اللي هجرني ما درى ويش أنا فيه = أقفا وقفي ما يرد الإِجابه
لولا الحيا .. ثوبي من الغبن لا أفريه = وأجدع هدومٍ .. ما وقتني حرابه
وأبكي وأبكي من شكى ظلم غاليه = واللي فقد شوف الأهل .. والقرابه
وأصفق بكفٍ وأتبع الصبر باقيه = وأقول تكفى .. وآصله حد بابه
وأجعل ظلام الياس نور الرجا فيه = وأتبع ولو في القاع مغوي سرابه
عل الرجا يلحق على الطول راجيه = والا جريح الحب يشفى صوابه