آه ياليـت الغـلا .. مثـل الذهب وإلا الفلـوس

~~~~~~~ كان ماترخص موازين الغــلا في هالزمان

انخدعنا بالمظاهر .. وألعبـن فينا الهجـوس

~~~~~~~ واندفعـنـا بالعواطـف .. ليـن ماذقنـا الهـوان

كم ظلمنا..كم قسينا..كم جـرحنا من نفــوس

~~~~~~~نظلـم الـدنيــا .. ونقول الدنيـا مافـيهـا أمــان

ليه ننسـى التجربة.. ليه نتجاهل هالـدروس

~~~~~~~ ليه مانذكـر خطـانـا .. إلا يـوم الإمتحـان !!

الرجولة من نصيب اللى يدوس الحب دوس

~~~~~~~ واللى مخلص فى غرامه صارمسكين ومهان

نستحي نبدي عواطفنا.. ونرضى بالجلوس

~~~~~~~ وإن مشينا الـدرب .. خفنا لايضيعنا المكـان

نعبس بوجه الضحوك ونضحك بوجه العبوس

~~~~~~~ والعلاقـات أصبحـت مثـل التسـلي والهـوان

اختلفنـا في هوانـا .. واخترعنـا لـه طقـوس

~~~~~~~ والغـــريـب إنّـا اتـفـقنــا مانحـدد لـه كـيـــان

كم هنوف واعـدوهـا بالسحايب والشمـوس

~~~~~~~ واصدموها بس من قالت: متى عقـد القـران



( للشاعر : فالح غشام )