عزيزي تطوير .. بعد التحية ،،،

النفس .. تلك هي لئيمة .. امارة بالسوء .. متقلبة المزاج .. النفس هي ذاتها لاتعلم باي مرسى ترسو وهي دائما في حرب مع من تتملكه اما ان يغلبها واما ان تغلبه .. هي كذلك امرتنا ان نحبك وهي تعلم بان حبنا لك اكبر من هواها ومن ضغائنها .. سيدي عندما تاتي لاتطرق الباب لان قلوبنا مفتوحة لك دائما فالف شكر استاذي ...

يا نفس
مليت
عادك أنت
مليتي
كافي عنادك
زاد
وكافي تعذبيني
خليني على أمري
على شوري
وبراهيني
لي متى
بس ارتخي
تاخذين
وما تعطيني
لي متى
بس أتذلل
وأنت تذليني
لي متى
بس العناد
زايد عنادك
يا كم تعذبيني
ليت الزمن
يا نفس
يقنعك تخليني
وليت الزمن
يا نفس
دونك يراضيني
يا نفس
منك تعبت
مليت
ليتك تخليني
ما عاد لي بالعمر
كثر ما مضى فيني
مرت علي سنين
مره .. كثير مرات
وحلوه .. ترى مرات
وشوفي العمر
لكم وصل
للخمس والثلاثيني
وأنت بعدك بعناد
يا نفس ما تصونيني
نفس تبيح للنفس
ساعات
وهي تضيق
وهذا مؤثر فيني
احبهم كلهم
ووجدي أنا بينهم
وأنت السبب
يا نفس
باعدتي
بينهم
وبيني
كم صار لي من يوم
وكم ليلة انقضت
وأنا ما عاد فيني
وأنت
ترى أنت
أنا أرخي الطرف
وأنت اكثر تشديني
أنا أتنازل كثير
وأنت
مثل ما أنت
دايم ترى بعناد
تاخذين وما تعطيني
وأنا ما ودي بعد
غير انك تمليني
كافي ترى مليت
يا كم أنا ما فيني
يا ليتك يا نفس
حتى لو تكرهيني
هذا أنا يا نفس
وهذي ترى أنت
أنا عتقتك عاد
وأنت متى تعتقيني
هذا أنا
يا نفس
وهذي ترى أنت
يا كم سمعتك عاد
ليتك بس تسمعيني
يا نفس
أنا مليت
معاك أنت كم قاسيت
وكلها مناتي أنا
لو مرة تخليني
لو مرة تمليني
هذا أنا
يا نفس
هذا أنا
يا نفس
هذا أنا
يا نفس

** من المصادفات الغريبة انني نشرتها منفردة قبل فترة وبالامس طرحتها بموضوع احدى الاخوات واليوم اكتبها بموضوعك .. غريبة هي تلك النفس ...!!