اتعبني الحلم لين الواقع انكرني.
كني مسكت الفرج بيدي..وهديته!!

مافيه داعي على فرقاك تجبرني.
حتى الجفا منك ولعني وحبيته!

الجرح عدى مكانه لاتذكرني.
هذاك وقتٍ تعذرته وجافيته..!

ماغيّروني ياكود الله يغيّرني.
كم واحد عنك يبعدني ورديته..!

وفيت وادري وفايه مايصغّرني.
صوبت يمّ الهدف لكنّي أخطيته..؟

خذني على صدرك الدافي وسيّرني..!
بعض الولع ياخذ الرجال من بيته..،!!

ابنشغل في عيونك لاتدوّرني..!
ودي بشيٍ اشوفه مابعد جيته..!

خليت قلبي معك والله يصبّرني.
مبطي وانا اقول قلبي وين خليته..؟!!

نسيت اعلّمك طيفك جا يسهّرني.!
بس انت ماشفتني وشلون ضميته.،!

مآخذ على خاطري والبعد قاهرني.!!
مدري شسوي وانا كل شي سويته!؟

العام يوم الوعد..تسبق وتنطرني.
مستغرب شلون هالموعد تناسيته.!؟

وين انت رايح.. ولاكنّك معبّرني. ??!
ماكنّي اللي على العالم تمنيته ?!!