احاول أنسى واترك الهم ورتاح=لكن تذكرني مشاكل زماني
أيامنا بين التعاسه والافراح=ويبقى العمل والعبد لا شك فاني
مدام باجساد المخاليق الارواح=تبقى الهموم وكل عايش يعاني
لا تبعث جروح قديمات ياصاح=جديد وقتي عن قديمه كفاني
يحتاج لي مشفي ومشرط وجراح=لا زلت اعاني جرح لا زلت اعاني
لو شفتني ياصادق الود مزاح=اخذ من اطراف الدقايق ثواني
والله منسى ودك اللي معك راح=والله منساك لو الشيب جاني
هذا وانا مبارك واسمي ابو بداح=صبي من صبيان رووس قحطاني
مبارك القحطاني