تدري وش اللي يتعب البنت ياخوي
رجل يخون اشواقهاوالموده
اللي اليااحتاج الغلا صارنمرود
ولياشبع مماعطاه استرده
البنت ريحانةغلا......ناعمةعود
تبي لهارجل ورث طيب جده
رجل فعوله كلهاجودفي جود
مايلتفت للي كفوفه تمده
رجل لياجته الليالي بمنقود
تبكي لهامابيح الوقت سده
مهوب خبل مارعى للهوى عهود
وادناةماعارض طريقه يرده
ولاهوب عله ولاهوب ملهود
ولاشكوك...وكل طاري يحده
تبي لهابراق طيب له رعود
ان اجدبت يمطرعلى ريف خده
وان نادته تكفى لقت عنده الفود
يشيل عزتهاعلى قو زنده
كفه نفل....وانفاس صدره لهاعود
وظلاله الضافي بيدهاتمده
البنت خدوقدونواظرسود
وريحةغلاياسعدمن شم نده
البنت الياضحكت ثمرهالك ورود
ياخوي مين يقطف نوواير ورده
واللي يهين البنت ناقص ومقرود
فرس غلا ماهي حمارةمكده!!!!