مـا لـجرحـي بـوح إلا هالنزيـف = ومـا لـترحـي روح إلا هـالألـم
ولا يشابهني سوى فصـل الخريـف = ولا يجابهنـي سـوى نصـل القلـم
من عرفت الشعر وآنا أشطب وأضيف = ومن عرفت الحب وآنا أنثـر وألـم
وقتنا مـا يفهـم القصـد الشريـف = والوفا والصـدق مـا ترفـع علـم
وش تسوي يا ولـد دامـك نظيـف = مع وساخـة هالزمـان وهالزلـم؟!
حلمي أستغنى عن النصـر الطفيـف = وأنتحر في ساحة النصر/ الحلـم !!
سد جوعي: ماء، وأرواني: رغيـف = منطقي: يعبث، وعدلـي: انظلـم !!
لو (لماذا) ما تجي من بعـد (كيـف) = قلت: (لن) بحسب حيثيات (لـم) !!