السلام عليكم ورحمة الله وبركاته

ولاتشيلون بخاطركم

أبقولكم وجهة نظري

بالنسبة لي .. الزواج من شاب راتبه 1500 ريال فقط .. شي مستحيل

إلا بشرط واحد اني أكون موظفة

والرفض طبعاً لعدة أسباب منها .. أهم شي الدين .. والأقساط

واحد توه متزوج وراتبه الف وخمس مستحيل يتزوج من دون مايتدين

ومستحيل يتزوج ومامعه سيارة .. والسيارة أكيد بالأقساط

نص الراتب بيروح لتسديد الديون والأقساط وعلى مدى بعيد جداً ..

غير التكاليف الأخرى مثل الأكل والشرب واللبس والبنزين و..و..و..والكثير من الأغراض

يضطر للتدين مرة ثانية .. ثم تكون البلوى بلوتين

فعلاً الحياة بتكون صعبة جداً ..

الألف وخمس ماتكفيه لشخص شلون تكفي شخصين

وربما ثلاث اشخاص لو رزقهم الله بأولاد

لكن لو كنت موظفة .. اخلي المصاريف كلها علي وهو يتفرغ يسدد اللي عليه ديون واقساط

وهذا رأيي بكل بساطة وبكل صراحة وبدون مجاملة

تحياتي لكم