وعليكم السلام ورحمة الله وبركاته
الله يعطيك العافيه أخوي عبدالله
حلوه الفكره
أول يوم رمضان كان الاجتماع ببيتنا مثل كل سنه ولله الحمد
الصباح خلصت كم شغله وحاولت أنام لكن ماقدرت الا بعد صلاة الظهر لين العصر تقريبا
كملنا التحضيرات والاستعداد و بدأ التوافد الأسري
وقت اجتماعهم " احساس ما اعرف أوصفه "
المهم بعد الفطور دخلت مجلس الرجال واثقه من نفسي وماشاء الله من الزاويه للزاويه مليان أبوي و أخواني وعيالهم
قلت / بالعافيه يارب .. يالله هنهم وتقبل منهم
ناقصكم شئ تبون شئ << يعنني المعزبه و أبي أتطمن على الأوضاع
وفيه واحد من اخواني الكبار مايفطر الا بكوب لبن ومع الحماس قلت له :
" شربت فلان يا لبن "
وما انتبهت لنفسي الا بعد ما سمعت انواع الضحك
<<< خبله
المهم ضحكت ورحت
وكل شوي يصير عندهم ازمه ويستدعوني
اما شواحن للجوالات
أو علاجات ومسكنات
وعلى ذا الحال الى أذان العشا وطلعوا الرجال للصلاه ورجعوا وكملوا السهره للسحور
ووقت أذان الفجر ودعناهم وكلا راح بيته

ورغم التعب والارهاق الا ان معاناتي مع الارق رجعت
الله يسامح اللي كان السبب

بالله اللي يعرف له علاج يفزع لي