يبعثرني فراقك شعر واجمع الترحال=من الشوق وانثر كل مابي على وينك ؟
جفاك الحزين دموع في صفحة الآمال=تِروي غصون الود لوغبت عن عينك
اعاني من الغربة واعاني من الغربال=واتنفسك وابني شقا النفس من طينك
ويحضن همومي صدري العاري المهتال=كن الضلوع بلوعة الهم ناسينك
طريق الألم رحله على كاهل الرحال=عواصف جفافه ماحتوتها بساتينك
يدور الفلك ودلال طرياك بالمدهال=تقهوي ضيوف البال لامرت سنينك
وكن الشجر لا جات سيرتك غصنه مال=والشوق ظله ينكسر يوم تأبينك
والشِعر لو ما يكتبه حرفك الموال=تطيح القوافي فوق ذكرى ترانيمك
نظمتك أمل والمفرده كانت السلسال=وعنق الأماني لا مسح تيه بيدينك
يطير الفرح يوم الدقايق معك تختال=كن الثواني سرها بيني // وبينك
تفاصيل مامرت قبل صدكم بالبال=يا كم عشتها واقع على شان يح ينك
رحلتِ وتركتيني مع الواقع المحتال=الم لم بقايا الوقت من ساعة سنينك