تدرين ياكل البشر .. والتفاصيل!!
اني بدونك صرت شخص أعتيادي
أمارس الأحزان لا روّح .. الليل
وأنثر بوجه الضحك كف الرمادي
وأبعثرك ذكرى وأجمعّك.. للهيل
وأشرب طعم طاريك وردٍ وكادي
حتى اذا شفت المطر وأقبل السيل
يطيح زولك .. ماء.. في كل وادي
أشم ريحك مع صبوب الشخاليل
وألمس يدينك بين كل .. الأيادي
تعالي انتي يا بعد زرقة .. النيل
ولذة ذعاذيع الهوى .. والبرادي
هذي ضلوعي كلها لك .. مداهيل
تخيّري ركن السمو ... والمبادي
وهذا خفوقي واعملي منه ..قنديل
يضوي لك دروب الألم والسُهادي
بس أرجعي ماعاد يحملني الحيل
على الأسى والهم .... والأبتعادي
قطعت صفحات اللقاء والمواصيل
وانا قبل عرفك مع الناس غادي!!
رحلة حياتي كل ابوها .... بهاذيل
من غبت عني وناب الأيام بادي
واليوم ضايع والأمل ضاع لسهيل
ولا بقى لي غير فرك ..... الأيادي