أهلا بكم يا وئاميات .. يا حبايبي أنا دخلت للموضوع قلت يمكن مناقشة عامة .. بس طلعت مدري وشو ما فهمت الكلام والقرارات ..

وبعدين عقلي بالقوة يستوعب اختبارات الباكلوريا ..

لكن ودي أحط رأيي بالزواج .. سواء السعودي بغير السعودية ( ومو اسمها اجنبية ) .. أو السعودية بغير السعودي ..

وأنا أرى انه مافيه شي ,, السالفة مو انه يتزوج وحدة ماهي سعودية عشان يصرف عليها من فلوس الدولة .. حتى السعودية بيصرف عليها ما أدري ليش تخلطوا الأمور ..
ومن متى ممنوع كل واحد يا خذ جنسية معينة .. العنوسة ما هي بس بالسعودية .. حتى بكللللل دولة . .

أتمنى محد يئذي مشاعر غيره من المقيمين , أنا مقيمة هنا .. ومو سعودية .. وما فيها شي .. هذي أرض الله . مادام أنا أحب هالبلاد وأبي لها الخير .. عادي .. ومو اسمي أجنبية ليش انا جاية من أمريكا ؟؟ نحنا عرب مثلنا مثلكم .. بس اسمنا مقيمين ,, غير سعوديين .. مو أجاااانب ؟؟

يعني ممكن سوري يتزوج مصرية وومكن مصري يتزوج تونسية وممكن جزائري يتزوج سودانية الموضوع عادي ..
واذا جاءكم من ترضون دينه وخلقه فزوجوه .. والمرأة تنكح لجمالها ونسبها ودينها ومالها ..

أحس الموضوع قسمة ونصيب والله اللي كاتب مين يتزوج مين !!!

يعني البنت لما تكون ببيت أبوها ماتدري ايش بيجيها والله اني أعرف دوسرية اتزوجها فلسطيني .. بالسعودية وعايشة عيشة ملوووك ومبسوطة . مو شرط الجنسية ,, النصيب نصيب . السعادة بالقلب مو بالأجناس والتفرقة ..
والله يعني حنا ومان ما كان هالشي موجود كان الوطن العربي وطن واحد بس فرقنا الاستعمار وهذا اللي هم يبغوه .. اننا نتفرق .

ما أدري .. يعني أنا وش ذنبي اذا عشت بالسعودية وأنا جنسيتي مو سعودية .. و يلا مثلا أكون انولدت هنا ..
وجآ سعودي وخطبني أرده وأقول والله روح اتزوج سعودية ؟؟ الموضوع مو كذا .. كل وحدة بيجيها نصيبها السعودية والغير سعودية .. كلللل الناس ..

وما في هالعصبية بيننا .. كلنااااا مسلمين .. أنا كذا أشوف .. واعذروني ان أطلت ... أعتذر ..

هذا رأيي مجرد رأي حتى محد يزعل مني !! واذا أخطأت فهموني ..