فعلا اخوي -نعم انه انا - اقل الفكره باسلوبي انا
اثق تماما ان لكل منا اسلوبه الخاص
سواء في طرح الموضوع او الرد
وهالشئ مميز وجميل جدا .. بل يبرز شخصيه كل منا
ويبعدنا عن التبعيه -الغبيه- للغير

الوئام مو اول ولا اخر منتدى يهبط عليه شبح المنقول
لكن الى الان ماقفز وتخطى حاجز المنقول اليه الى حاجز / المنقول منه



حياك اخوي الوافي .. نعم اذكر موضوعك هذا ورديت عليه ولو تلاحظ الردود اللي فيه مافيه سبب حقيقي للنقل المجرد / لان فكره التعليق الشخصي مو وارده مثلا لو بنقل صوره تخيل افتح موضوع كامل واحط صوره وتعليق من كلمه او كلمتين
طيب الناس او المرتادين ايش الفائده اللي بيرجونها من هالموضوع واذا بيردون وهذا المفروض اننا نرد بفاعليه على المواضيع ايش ممكن اكتب !
علموني ايش اكتب لاني فعلا اعجز عن الرد .. احيان احاول انبه ان الردود لابد تكون ايضا داعمه ومفيده للموضوع بوضع صوره وتعليق عليها مجاراه لاصل الموضوع .. لكن عمر اليد الوحده ماتصفق

دام انفتح الموضوع اتمنى فعلا يلقى صدى ايجابي وعمل .. الاقوال جربناها في موضوعك يالوافي ومالقينا فائده الايام تمر واوقات تمر على لا شئ مفيد ، قبل نكتب اي كلمه او موضوع مفترض فينا نحتسب الاجر فيه ونحدد لنا اهداف ، مو شرط تكون جاده يكفي ان ادخال السرور على مسلم مطلوب ونجازى به خيرا لكن الغايه واضحه فلابد نجمل ونصحح الوسيله حتى يصل المطلوب .
اما الكتابه لمجرد الكتابه او النقل لمجرد سد الثغرات في المنتدى / القسم فتراها غير مجديه على المدى القريب مو البعيد واقول هالكلام بعد تجارب طويله في المنتديات ، المنتدة اللي يبرز اعضاءه ويدعمهم يتميزون وبالتالي يتميز المنتدى ، اما اللي ينقل من غيره ويظل ينقل فبيجي يوم مايكون فيه الا عدد محدود من الاعضاء وتلقاهم متواجدين كإجراء روتيني لانهم تعودوا على المرور هنا ، وهالشئ عن نفسي ما ارضى اشوفه في اي منتدى يبدأ بهمه وعزيمه عاليه وينتهي بهالشكل ، يد على يد نبني افضل / اجمل منتدى وبدل ما ننقل من غيرنا نخلي غيرنا ينقل مننا ..

نجرب لو اسبوع واحد ، ماينزل اي موضوع منقول ولو نزل يتعامل معاه مشرف القسم بحذف او نقل مؤقت ، ونجرب ماراح نخسر شئ
نكتب مره ومرتين وثلاث واربع حتى مو مشكله مع الايام بنتعود نكتب وبنعرف اماكن الحروف على الكيبورد بدل ازرار معينه للنسخ / اللصق !
ونشوف النتيجه ..