02 / 06 / 2001, 51 : 02 PM
|
#1
|
وئامي دائم
|
+
رقم العضوية »
103
|
+
تاريخ التسجيل
»
21 / 04 / 2001
|
+
الجنسْ
»
|
+
الإقآمـہ
»
|
+
مَجموع المشَارگات »
62 |
+
معَدل التقييمْ »
10 |
شكراً: 0
تم شكره 0 مرة في 0 مشاركة
|
بحر الإلهام
يا بحر من إلهام مديت لي شوق**وأهديتني من عمق بحرك لآلي
وأصبحت أغنى الناس من كل معشوق**يلقى وصاله بالمحبة توالي
يا لزين لك في القلب نشوى علت فوق**يوم تجي يلقاك قلب صفا لي
يتغزل بدنياك ويقول يا ذوق**حال يجيني منك حرك خيالي
لو طال بعدك يصبح الفكر مشقوق**ويوم شوفك جاك يسهر ليالي
يحلى معاك القول يا زين والشوق**يبحر وموجك يدفعه للمجال
أحب ملحك يوم أشربه معتوق**والماء من بحرك تذوقت حالي
يا بحر من الهام لا جيت لك طوق**طوقتني به عاليا كالجبال
ما أنفك منك ساحة الفكر معشوق**أسمع تردد همستك في خيالي
يا ليت لي منك ولو وقت مسبوق** كلك ولو بعضك يزيد انشغالي
يا بحر من الهام ما جيت بك عوق**بل جيت بك إسهام حركت تالي
الله يوم جيت لي هزني روق**من شافني ساكت وموجك بعالي
ما أحد درى بالفكر والفكر مسروق**منك تولع فيك نارك تسالي
يا زينها أمواج لك حركت سوق**نحو الصحاب اللي تركت بوصالي
وآنا معاهم روح تلهب بها أتعوق**من جور ظرف ما تشفق بحالي
أهديتهم مرجان بحرك وما فوق**منك بأعماقك وصدف اللآلئ
وقلت يا أخوان وأخوات يا ذوق**ودي معاكم فأعذروا ما جرا لي
وسامحوني لو مقصر عن طروق**طروق فكر جاد من قال غالي
وكل يجود بساحة الفكر من توق**آهات فكر تحتفي به مجال
يا ليت لو ألقى من الوقت مسروق**أبادل النجوى مناجاة بالي
يا بحر من إلهام أهديت بالشوق**للي أحبه منتدى للعوالي
مع أطيب تحياتي وتقديري للجميع
أخوكم /أبو طارق
|
|
دع الأيام تفعل ما تشاء
وطب نفسا إذا حكم القضاء
|
|
|