السلام غليكم ورحمة الله وبركاته
كل عام وانتم بخير .. هذه القصيدة بمناسبة عيد الفطر
المبارك , اتمنى ان تنال اعجابكم ,,,
تم الصيام وهلت افراح واعياد = والشكر لله نثني الشكر ونزيد
يالله عساها دوم بالخير تنعاد = على الجميع افراح من غير تنكيد
وتعم بالفرحه على بلاد واعباد = ونسمع لها في كل الاقطار ترديد
نعلن بها الوحده على رؤس الاشهاد = في صف واحد ماحصل فيه تبديد
هذي عوايدنا على عهد الاجداد = نضفي على الحاضر من المجد تجديد
على التأخي دوم نمشي وننقاد = لآمر الولي من غير شرط(ن) ولاقيد
بأمن وأمان وتشبع العين بأرقاد = يوم البعض نومه مذله وتشريد
واللي نحا منحى التطرف والالحاد = له ساعة(ن) يلقابها الضد وايهيد
لاهو كسب دنيا ولافاز بجهاد = غير الندامه مثل هذا وش ايفيد ؟!!!
والله يحفظ المملكه دوم بأعياد = في ظل ابو متعب زعيم الصناديد
دام الفرح.. عاش الملك عاشت بلاد = ولاعاش من ينوي على الشر والكيد