عرض مشاركة واحدة
قديم 28 / 02 / 2013, 38 : 01 PM   #1
شموع الغربية 
مشرفة عامة

 


+ رقم العضوية » 46606
+ تاريخ التسجيل » 17 / 12 / 2009

+ الجنسْ »

+ الإقآمـہ »

+ مَجموع المشَارگات » 8,393
+ معَدل التقييمْ » 2338
شكراً: 14
تم شكره 39 مرة في 35 مشاركة

شموع الغربية غير متواجد حالياً

افتراضي ماكل من يركب على الخيل خيـــــال ... ولاكل خيل تعجبكـ هي اصيلهـ

. السـلام عليكم ورحمة الله وبركاتهـ .

نقره لعرض الصورة في صفحة مستقلة


ماكل من يركب على الخيل خيــال
ولا كل خيـل تعجبك هي أصيلـــه


ولا كل من يعجبك هرجـه برجــال
بعض العرب ملسـون وأيده بخيلــه


الكل يلبس ثوب وشماغ وعقــال
وعند اللــزوم أفعــالهم هي قليلـــه

الرجـل تثبت له أقاويل وأفعـــال
لاقال شـئ ونفـذه هو دليـــــــله

والرجـل لاشفته مع القيل والقــال
أبعــد عنه هذا صفـاته عليلـــه

والكذب خله عنك مافاد لوطـال
قول الصدق ياصاح غنم وجميلـــه

وخلك شجاع وذي صفات للأبطــال
اللي كما سيوف تبارق سليلـــه

واللي شراك اشريه لو كان بالمـال
خـلك معه وان مال دور بديلـــه

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وبعد الكدر تشرب صفا عذب وزلال
هذا الزمــن فيه استـقامـه وميلــه

وصاحب خليل لو جفا الوقت مامـال
تـرى الرجـل يعرف بقيمة خليلــه

وأقفل على سرك بكتمان وأقفـال
بعض العــرب يسمع وينوي بحيلــه

وخـلك آمين إذا توليت الأعمـال
من خان في يوم الحشــر ياحليلــه

خل التواضـع فيك واضح بالأفعـــال
ترى الكبـر يردي بيـوم وليلـــه

ولا تحسـد اللي عنده أموال وعيــال
وش ينفعك لو كان حسـدك يزيلــه

ولا تزور تقلـب الزين بطـــال
الله عليـــم بالنوايـا الدخيـلــــه

وخلك رزين تـرى الخفـه للأطفـــال
وأصفح عن المخطي ولو زاد قيلــه

وأحمل همومـك لو تزن وزن الأثقـــال
بكــره تروح وتنجلــي لو ثقيلـــــه

وصلﱢ الفروض ولا تنسيك الاشغـــال
محدن في الدنيـا درى وش بقــى له

وزر الاقارب للرحم كون وصــال
وخلك عظيـــم الشان وسـط القبيلــه

وصلاة ربي عد ماهــل همــــال
على النبي اللي صفاته جليله
:
مما رااق لي ..
نقره لعرض الصورة في صفحة مستقلة



  رد مع اقتباس