[poet font="Simplified Arabic,14,black,normal,normal" bkcolor="" bkimage="" border="double,4,darkblue" type=0 line=200% align=center use=sp char="" num="0,royalblue"]
اشره عليك وتحسب اني مجافيك

واغيب عنك وتحسب انه تغلي

ماهو جفاء يا صاحبي يوم ماجيك

مالي بغيرك يا بعد كل من لي

لا والذي سواك ما احد يجاريك

غلاك ما خلى لغيرك محلي

ان غبت بالوجدان شوقي يناجيك

وان جيتي كل المشاعر تهلي

لا مرضي نفسي ولا قادر ارضيك

واليوم من بعض الغلا جيت كلي

ما جيتك الا قابل كل ما فيك

يا صاحبي ما بالعواطف تسلي

لي صرت تعرف قيمتك عند مغليك

وانك على عرش الخفوق امتعلي

ابيك تعلن للعوازل تحديك

اني حبيبك وانت شوفتي وخلي

لا اقفي خيالك حل بالقلب طاريك

مشاعري من صورتك ما تملي

وان قلت باخذ الهوى معك واعطيك

يا طير عودنا على طير ياللي
[/poet]

ازكى التحايا