منتديات الوئام - عرض مشاركة واحدة

04 / 12 / 2018, 58 : 12 AM


	المشاركة الأصلية كتبت بواسطة wafei


	يعني مستعجلين ع التكملة رغم ظروفي الصحية مافيكم رحمة !! هذا وانا راحمكم ومبعد عنكم قدر الامكان عشان عطري اليوم الفيكس وابو فاس وماابغى اضايقكم برائحتها لكن . . طيب نكمل القصة طبعاً صاحبنا قال ظبطت لكم الشغل والتحديث كل اسبوعين وبعد اسبوعين من تاريخه خلي اللراجل يشيك ع حسابه حـ يلاقي الفاتورة تعدلت للمبلغ الجديد والشغله الثانيه يلاقيها تظبطت طبعا صاحبنا خدوم وكثير شغلات خدمنا فيها ومااتوقع انه بينحرج من قولة مااقدر اذا مايقدر ولا يقول عملت وهو ماعمل لكن لأن الشغله فيها تعقيد خفت ماتظبط معاه ووانحرج مع الرجال واليوم هو اليوم الموعود اكملنا اسبوعين وع اعصابنا خايفين الشفله ماتتم وانا اللي باتجمل بالرجال ووعدته بعد بشرته وفرحته خابف الامور ماتضبط . يعني قلق وتعرفون لما تكون منتظر حاجه وقلقان ماتدري تتم او لا يسيطر عليك الجانب السلبي اكثر . عاد والله العظيم ياجماعة اللي ببالي من الاحراج اللي احسه لو ماتم التخفيض زي ماوعدت الرجال ببالي اني ادفع من جيبي واعتبرها مساعدة ولا ارده خايب بعد هالوعود والتفائل والفرحة وو المهم نهاية الاسبوعين الرجال يتصل علي قال للآن المبلغ كما هو والشغله الثانيه كما هي ولا تغير شيء ورغم القلق والاحراج اللي كل ماله ويزود طمئنته وقلت له انتظر اليوم يمكن شغلة تحديث بس طبعاً في هذه الأثناء جالس اتصل وارسل ع صاحبنا ولا يرد لااتصال ولا واتس ومتعود منه كذا اذا كان بالعمل يكون مشغول و نادراً مايرد على الجوال وجالس في قلق والأخ اللي قلت له انتظر اليوم ممكن شغلة تحديث جالس قلقان ولا هو مرتاح ومادريت الا هو يتصل علي قال انا امام مبنى الادارة ووش اسم الرجال اللي بيضبط الموضوع باروح له . قلت اممم انا اتصل مايرد يمكن مو مداوم والا لحظه لحظة استنا اشوف دقيقة اشوف وارد لك قال طيب انتظرك هذا والله الاحراج ورفع الضغط .. صاحبنا يمكن ماوده الرجال يجيه بالعمل ويمكن مايبغاه يعرفه ويمكن اذا عرفه بيشتغله كل شوي ويمكن بيحرجه قدام زملائه !! وصعبه اقول للرجال لاتروح له او ماني معطيك اسمه المهم انحرق دمي وجلست ارسل واتصل وارسل واتصل ع صاحبنا ياااهوه ياادمي الراجل ع الباب رد علي وش اقول له . . اخليه يجيك والا شوف حل نصرفه لين مانشوف الموضوع وصاحبنا مايرد وانا مولععع ومنحرق دمي مابين رجال ع الباب ينتظر اعطيه الاسم وبين صاحبنا اللي ممكن احرجه وازعله لو جاه من دون مااستأذنه !! وانرزع الرجال ع الباب وبعد ماخلاااص انحرجت من رزعته قلت باقول له اي شيء ع امل صاحبنا يرد قلت له ادخل وشوف الاستقبال واشرح لهم وضعك يمكن تغير بالنظام شيء ويمكن عندهم آليه للتخفيض عشان يخفضو لك من غير التخفيض الي وعدك به الرجال او التقسيط او او المهم ابغاه ينشغل شوي لين الاقي رد رااح الرجال للكونتر زحام وسراا ومعاهم لين ماقابل الموظف قال له وضعي كيت وكيت وابغى اخفض الفاتورة وابغى ابغى قال له هات رقم الهوية شيك عليها قال عليك مبلغ كذا وعندك كذا وكذا طلع كل شيء زي ماهو والرجال ماغير شيء . . قال طيب يااخوي لو طلبت تخفيض متى تتخفض قال انسى شيء اسمه تخفيض قال يقولون فيه قال مين اللي كذب عليك وقال لك فيه تخفيض قال طيب شكراً واتصل بي قال هذا ماقالو لي الرجال لايكون يصرفنا وافضيحتاااه . حتى انا اللي مسوي خير يمكن يفكر اني اضحك عليه وقاعد اصرفه . . وماعاد لي مفر ولا عاد اقدر اصرفه وصاحبنا للآن مايرد قلت تدري يافلان الآن يجيك اسم الرجال ع الواتس وارسل له الاسم واقول في نفسي الله يجيب العواقب سليمة الاحراج حاصل حاصل لأحد الطرفين وقاعد ع اعصابي وقلقان من النتيجة شوي الا الرجال يتصل قلت ها بشررر الا الرجال يرد علي ميتتت ضحك خير وش السالفه قال سألت رجل الأمن عن الشخص قال هذاك هو واذا هو اللي قبل شوي يقول له انسى ومين اللي ضحك عليك هو صاحبنا اللي بيضبط لنا الأمور يؤيؤيؤيؤيؤ هذي والله الفشيلة الآن زاد الاحراج احراج اذا فعلا صاحبنا ماسوا شيء بينحرج مني وانا راح انحرج لاحراجه !! لاحووول ولا قوة الا بالله قلت روح له وقول له وافي يقول شيك ع جوالك وانا الشخص اللي كلمك ع موضوعه وراح له قال له ياافلااااااان قال نعمم قال وافي يقول شيك ع الجوال وانا الشخص اللي من اسبوعين وصاك ع موضوعي ووعدتنا وللآن ماصار شيء تفاجأ صاحبنا وكأنني اشوف وجهه ساعتها قال ايه صح والله لما شفت الاسم مو غريب علي لحظة بس اشيك ورجع يشتغل بالكمبيوتر قال ايه صح انا عملت لك زي ماقلت لوافي بس النظام وقتها شكله معلق ولا نفذ العمليه الآن اعيدها وتظبط قال وانتظر اسبوعين قال لا الآن اظبطها لك وتتعدل مباشرة !! واحس الراجل وقتها ماهو مصدق وحاسس انه بيعلقه تعليقة ثانيه و يقول بخاطره تكفى لاتخليني لامقيد ولا مفكووك لين مااتأكد من تنفيذ العمليتين وتمت العمليه بنجاح واتصل الراجل يشكر وصاحبنا للآن مارد علي وييييافزعة القشر والاحراج ورفع الضغط وووووبس عاد لاتقولون شوقتنا والنهاية ماتستاهل. \

والله ونعم ياالوافي بالفزعة والنخوة والعزيمة والمرؤة والشهامة ودائم وراسك يقدح بالسطر والحمية

وهذه من عاداتك المميزه لك والتي ميزك الله بها وفعل المعروف وحبك للجميلة ماهو غريب عليك وأنت راعيها وناشيء عليها

ومعروف أنك إذا قمت في أي موضوع تحققه بنجاح بإذن الله وحيث أن الرجال

يعرفونك ويقدرونك ويحترمونك ولايقدرون يتعذرون منك وهذا دليل على حبك للخير والمعروف

وأنت رجل اللوازم والمهمات الصعيبة وقضى حاجات المحتاجين وبتوفيق من الله سبحانه وتعالى

هذا وأسأل الله لك الشفاء العاجل وأن يديم عليك الصحة والعافية الدائمة ودمت في سعادة وسلامة دائمة