أحبتي جميعا ً

أسعدكم الله بطاعته

رسالة خاصة هذا الصباح جعلتني ابحث عن قصيدة قديمة لي

فشكرا لمن كان السبب لبعثها من سباتها

غربتي والهجر وآخر ما بقى والحاني=والزمان اللي خذا عطر القصيد وضيه
دثرتني بالهموم وكبلت قيفاني=واستباحت دم عاشق ما صفا لك زيه
من بعدك ِ لا وربي مايثيراشجاني=سحر حواء لوتجسم في جسد حوريه
كل انا ماقلت جادت في لقاك ازماني=ابعدتني عنك دنيا مابها ماويه
ابعدتني وارتسم حزني وجيته عاني=هالعذاب اللي طعونه بيناتٍ فيه
عاشقٍ راسم على درب الشقا عنواني=حامل اكفاني وخنجرقاتلي بيديه
سامح الله عبرةٍغصت برمش اجفاني=من كدرها عكرت صفو القلوب الحيه
وسامح الله ليلي اللي بث صمت احزاني=يوم غنت له على صوت الشقا قمريه
وسامح الله من ملا كاس الهوى واسقاني=شربةٍ كانت ضما ذاك( الرهين) وضيه
وسامح الله طيفك اللي يابعدهم جاني=في منامي زاهيٍ باحلامي الورديه
ضمني له حيل ضمة عاشقٍ شفقاني=لين ذاب الشعر مني في قراح شفيه
سكر شفاه القصايد به يذوب لساني=يوم قلتي لي تعال وحاجتك مقضيه
وسامح الله وقتي اللي بالفراق اشقاني=ما سمع قولك تعال وحاجتك مقضيه