السلام علايكم 
هاي بنوتات شو الاحوال البارح طرأ على بالي هالموضوع والسبب اسئلة لموي للبنات
والموضوع عبارة عن ثلاث مواقف اقريهن زين وحوطي نفسك فيها وتخيلي وش يصير وعلمينا
ياترى وش راح تكون ردة فعلك .. بس بليز نبي كل بناتيت المنتدى الطعمين يردون ..
الموقف الأول :
ترن ترن ترن .. تلفون بيتكم يرن .. ترفع الماما وترد .. الطرف الثاني أم واحد شاب
سبق انه قبل اسبوع جاكم للبيت يخطبك وانتم موافقين وشرط انه يشوفك الشوفه الشرعية
واهلك وافقوا وحصل المراد وشافك هالشاب وتمعن النظر فيك ..
ومن يومها وانتي قاعده على حطب وتنتظرين الرد اللي يسرك
واليوم مامتوه متصله تبي تقولكم رأي ولدها فيك ..
وقالت بصراحه ولدنا ماعجبته بنتكم .. والظاهر انه ماهنا نصيب بينا ..وقفلت السماعه
ووصل الخبر لمسامعك ياترى وش بتكون ردة فعلك ؟؟
الموقف الثاني :
ترن ترن ترن .. تلفون بيتكم يرن ( ياكثر مايرن تلفونكم هالايام ) .. ترفع الماما وترد ..
الطرف الثاني أم فلان تبي تجيكم اليوم تخطب .. الماما رحبت فيها كثير .. ووصلك الخبر وانتي
مايحتاج خفيفة شمايل .. طيران سيده ع السوق وشريتي لبس جديد .. ومن السوق رحتي يم الصالون
وسشورتي كشتك .. وصبغتي شيفتك .. وجيتي للبيت تكشختي وتدخنتي وتعطرتي .. ورزيتي نفسك تنتظرين
فلان ومامتوه .. وجوا في موعدهم .. وبعد الضيافه وانتي للحين مابعد دخلتي على المره ..
يوصلك خبر انه ام فلان مو جايه تخطبك انتي .. لالالالالالالالا وألف لالالالالالالالا .. انما جايه تخطب اختك الصغيرة ؟؟
ياترى وش بتكون ردة فعلك ؟؟
الموقف الثالث :
ترن ترن ترن .. ( طبعن عرفتي انه ) تلفون بيتكم يرن ( ياحظكم ) .. ترفع الماما وترد
الطرف الثاني أم علان تبي تجيكم اليوم تخطب .. وعلان هذا ياطويلة العمر كل الصفات اللي تحبها البنت فيه
من وسامة ونسب وعمل مرموق وأهم شيء في الموضوع جيوبه متروسه دراهم وعنده بي ام .. وهالعلان تعرفونه
يعني جاركم أو يصيرلكم ( ماهوب غريب عليكم ) .. من شان هيك اختك الصغيرة تحبه وتموت عليه بس انها
خبله ( مثلي ) تحب بالصمت الرهيب .. يعني تحب وتاكل تبن وتسكت .. بمعنى انه هالعلان مايدري انه اختك تموت عليه ..
وانه دموعها سكايب كل ليله بسبته .. بس انتي اللي تدرين .. وانه حلم عمرها انه يجي ويخطبها
وتحقق المراد وجا هالعلان يخطب .. بس للاسف انه جاي يخطبك انتي ماهوب اختك !!
ياترى وش بتكون ردة فعلك ؟؟
[img3]http://www.oaks-soft.co.jp/princess-soft/natsu-iro/chara/matsuri.gif[/img3]
[img3]http://www.almushahed.net/up/files/whaj-1113131091.gif[/img3]