حاولت اكتب قصيدة حب وهيام
وأعيش في عالم مزوح
وقفت حيران بين واقعي والأحلام
احاول أبتدي واخفي الجروح
لكن تزاحم عبرتي حلو الكلام
وعيني ماتشوف الى طفل أمه تنوح
أشلون أبقدر أتكلم في الغرام
وذاك يتعذب الجسد والروح
وغيره يعيش مابين أمن ووئام
ومن يسمع للشكوى صوت يبوح
قالو لا تهتم هناك نظام سلام
يستجيب ويحقق للمظلوم الطموح
رحت انادي وتابع باهتمام
ماسمعت لصوتي صدى ولا يد تلوح
لقيت اللي قالو خيال واوهام
وزاد همي ونفسي ألم وجروح
ان اهل الطفل خلواألعدو حكام
سلام لكنّه لطفل غربي مملوح
تمد اديك وخصمك زعيم النظام
الغدر من وريح الخيانة تفوح
يرفع للسلام وللأمن أعلام
لكن يستثني أمة محمد ونوح
صانع سلام مايريد للمسلم قيام
كل هذا في ملف على الرف مطروح
وتصبح قضية لعالم نيام
ومن يسمع طفل يصرخ بصوت مذبوح
اصرخ يا طفل ونادي أمة الاسلام
يا أمتي ترى الكلام مايبني صروح



الساااااااااااااااري