أبيك اليوم يا بايع ولو لحظه تسمـع لـي
عشان أوضح لمثالك بأني شخص مو عادي


أنا ما جيت أبي قربك ولا أبي منك تشفع لي
أنا أكبر من أمثالك وقلبي يعشـق عنـادي


أنا لا زادت همومي أبد ما أبيك تفـزع لـي
أعالج نفسي بنفسي وأحصل بيدي مـرادي



أبيك تشيل من راسك بأنك راح ترجع لـي
ولا أبي تتصل فيني ولو في يـوم ميـلادي


كثير إللي غلط قبلك وجاني تالي يركع لـي
وأنا ما أحب من يركع لغير الخالق الهـادي


كثير إللي يبي قربي ومهما قلت يخضع لي
كثير إللي تمنونـي عددهـم دوم يـزدادي


عطيتك منزلٍ عالي مع إن الكل يطلع لـي
أنا في نوحي لو بيدي حشا ما أبيك تطلع لي


يـــا عــمــي روح فـارقـنــي
فــراقــك ثــالــث أعــيــادي