طـيري تركته حـر قلب وجناحيـن

هذا .. المدى .. واحساسه ومايريده

ما اشيمه .. عن صدّته واسأله وين ؟

ربـي يحـللّ خـاينّـي في جديـده

مانـي قفص .. والصدر مابه خفوقين

والـدمّ بعض أحيـان يجفـا وريـده

واللي بكيف النزف عاف الوريدين

ما اركض وراه .. بدمعتي واستعيده

شر الغلا .. ما يتعبك منكسر .. عين

عـدّه .. لقلبك واحدٍ من عبيـده

لو قال أحبك كنها داخله دين

فـضـلٍ عليه وماله إلا يعيـده

مجبور نفس مقيّد .. احساس وايدين

مـالـه خيـار ولا لحبـه عـقيـده

بس يتوحى زلـّتك في المحبيـن

نزر الطـباع المحتري للطريـده

ذنبـك على من عـاف حبك بذنبيـن

وان سامحك صار الرضى .. شرهة ايده

أغلى الهوى .. ما ضمّدك بين ضلعين

واغـضى عليك بدمعتـه والقصيـده

ما للعطا .. والوصل فيّا .. ضميرين

ولا للعيوب بذمّتـي .. ما يريـده


للشاعره---ريميه