جيت لك والشوق فيني ماله حدود ونهايه=جيت لك تعبان ( مرّه ) من عذابٍِ له سنيني
أدري انك حافظٍ طبعي وقاريني قرايه=وتدري إني غيرك أنته ماتمنيته عويني
تكفى ريّح خاطر اللي ذاق مافيه الكفايه=قامت الدنيا تحده من يسار ومن يميني
صار وقتي يبغى موتي صار وقتي من إعدايه=مايهمه غير تعذيبي وجرات الونيني
والله إني لوني مخطي لاعتذر له عن خطايه=بس مذكر شي واحد يتركه عيّا يليني
حطم أحلامي وعمري لّو ماله فيها غايه=غايته ينكر وجودي لين ينسّيني يقيني
إيه جيتك غصب عني ! ماهو بكيفي ورضايه=إيه جيتك غصب عني وجيتي ماهي بيديني
لاتقول إشلون ؟ قل لي ياحياتي ياغلايه=أبغى اسمع إي كلمه تسّعد القلب الحزيني
إعتبرني طفل شفته فجأةٍ ! بالدرب تايه=ماله احضانٍ تضمه لا ولا له والديني
ظمني من فوق صدرّك خّل هالعالم ورايه=نسنّي همي وحزني في كلامك والحنيني
وإن لمحت دموع عيني واسني وابقى معايه=سوّ نفسك مالمحت دموع عيني ياضنيني
خلني ابكي واسولف لين أكمل لك عنايه=خلني اشكي بكيفي لين ينباح الكنيني
والله إني أرتعش وأحس في يدينك دفايه=والله إني خايفٍ والخوف جنبك مايجيني
واقسم إني منجرح من دنيتي وانته دوايه=وش دوايه وش دفايه كل شي عندك يزيني
بس انا جيتك وشوقي ماله إحدود ونهايه=وإعرف إني يوم جيتك والله إنه مو بيديني
.
.
.
فهد الديحاني
.
.
.