ياللي تبون العلم وسط الكتابه = من فوق صفحات ٍ يسطر بها سطور
رجل ٍ يـرد السالفه للكابه = ورجل ٍ يميز بين عالم ومشهور
ورجل ٍ يجهز طول عمره زهابه = في طاعة المولى ولاهوب مجبور
ورجل ٍ كثير الهرج مايندرابه = ورجل ٍ على مدات ربعه له شهور
ورجل ٍ عطاله درب مااحد ٍ درابه = والرجل الاخر داخل البيت مقبور
ورجل ٍ طويل ذراع كل ٍ يهابه = ولاهو يحسبها على كل ديجور
ولاكل رجال ٍ يحسب حسابه = الا الرجال اللي لهم في العلاء دور
ولاكل من طال العلاء ينغزابه = اللي مضيعها وهو ضايع الشور
وصلاة ربي عد وبل السحابه = على الرسول اللي هدا قومه النور