منتديات الوئام - عرض مشاركة واحدة

09 / 02 / 2010, 46 : 11 PM

السلام عليكم ورحمة الله وبركاته

أشكرك مرررررة على الموضوع الحلو دا

أنا ما أخالفك في الكلام الي قلتيه أبدا لكن بصراحة لي وجهة نظر

أولا نقول تتخلص من العصبية أحس انه صعب ما ادري مستحيل يمكن لكن الأكيد انو صعب يمكن الواحد يقدر يخفف من عصبيته

العصبية اش سببها لو فكرنا فيها ... ساعات أو دايما تكون نتيجة موقف نقابله طيب ليش بعضنا يتلقى الموقف بهدوء وبعضنا بعصبية؟؟!!!

الجواب لانو دا مو بيده غصبا عنه .... طريقة جسمه في التعامل مع الموقف زي كدا

العصبية احساس يتولد عندك فينتج منه التصرف والسلوك

زي بعض الناس تلاقيه احساسه خفيف مرررررة مثلا لو جا شي على جلده حتى لو خفيف تلاقيه يحسه وبعضهم لدرجة ان ردة فعله تلاقيها مررررة سريعة

وبعضهم لا ما يحس بشي على جسمه وما تلاقي ردة فعل

الي ابغى اوصله هو انه دي كلها ردة فعل نتيجة احساس الجسم للمؤثر الخارجي .... الجسم يتفاعل مع الشي دا ويفرز مواد كيميائية جواته وهرمونات تختلف نسبتها وقوتها من شخص للتاني
وهدا الشي هو الي يحدد تصرفاتنا وسلوكنا الي ناتجة من العصبية

الانسان ممكن يتحكم في تصرفاته ويقدر مع التمارين السابقة انو يحاول يمسك نفسه ويهدي من حاله

بس الشي دا مع كترته حيتعب الانسان كتيييير ... انو يفضل يتعرض للضغوط وهو يكبتها جواته ويفضل يهدي من نفسه لان هرموانت قوية افرزها جسمه لازم تظهر على حركات الجسم من عضلات وبقية الأعضاء ولا انها تتركز ع القلب وبس

من افضل الحلول للقضاء على العصبية خاصة للناس زي ما نقول عنهم الي دمهم حااااار انهم يبعدوا عن المسببات الي ممكن توتره
يعني لو شاف واحد بدأ يتكلم بكلام ما يعجبه يقوم ويسيبه من البداية لانو مو زي غيره عادي عنده .. لا هو دمه حااار ولا ما رد عليه حيفضل ياكل جوااته

طبعا في حلول للتخلص من العصبية من جذورها بس دي مرررررة صعبة
زي لما يدخل في تمارين يوقا واسترخاء كامل ويكون في مراكز تأهيل كبيرة ومريحة ويفضل وقت طويل في المراكز الحلوة دي عشان يغير كيمايئة جسمه تماما ويغير طريقة تفاعل مخه في الظروووف

ودي بصراحة مي عملية الا للناس الي فاضيه والي عندها فلوس مي عارفة اش تعمل فيها

وبس ...

اختي مياسم الله يعينك ع الحالة الي انت فيها

بس انا اشاركك نفس المشكلة بالزبط كأنك بتتكلمي عني
بس اختلف معاكي اني ممكن أتكلم مع احد ما اعرفه او اعرفه معرفة سطيحة لو كنا جالسين لوحدنا اتنين بس
لكن لو جالس مع اكتر من واحد ما اعرفهم او اعرف واحد وما اعرف التاني او معرفتي بيهم سطيحة تلاقيني سااااااااااكت زي الخشبة وبس مبتسم زي .....
لازم اكون اعرفهم كويس كويس .... والمشكلة انا الناس بتقول عني هادئ صحيح لكن دمي حاااااااااار
اتحرق بسرعة لكن ما يبان علي ... عشان كدا عارف قد ايش الواحد بيتعب لما يتحكم في عصبيته ودايما اطنش من البداية قبل ما تكبر الحكاية لاني عارف ممكن يضرب عرق في دماغي

ولكم خالص تحياتي

الحجاج