يا علي صحت بالصوت الرفيع=يـا مـرة لا تذبيـن القنـاع
يا علي عندكم صفرا صنيـع=سنها ياعلـى وقـم الربـاع
نشتري ياعلـى كأنـك تبيـع=بالعمر ميـر ماظنـي تبـاع
شاقني ياعلي قمـرا وربيـع=يوم أنا آمر و كل امري مطاع
يوم أهلنا وأهل مـي جميـع=نازلين علـى جـال الرفـاع
ضحكتى بينهم وأنـا رضيـع=ما سوت بكيتي يوم الـوداع
هم بروني وأنا عودي رفيـع=ياعلي مثل ما يبـرا اليـراع
طوعوني وأنا ما كنت اطيـع=وغلبوني وأنا ظفـر شجـاع
وجد عيني على ظبـي تليـع=عندكم كن فى خـده شمـاع
شيبتني وأنـا تـوّي رضيـع=جاهل توّ في سـن الرضـاع
سايمين الهوى يا مـن يبيـع=سايمين الهو لاهـل الرفـاع
وانت يا لايمي جعلك تضيـع=ما تماري بها مثـل الشعـاع
ودي اسلاه والكـون الفنيـع=سلوتي ياعلي مـا تستطـاع
دون مي الظبي وام الوضيـع=والثعالب وتر بيـع الشـراع
ورأس ريع دخل فى بطن ريع=مستطيـل ووديـان وسـاع