هكذا
وبدون مقدماااااااااات
ابشر بجنة عدن ياشيخ وعداك = تبشر بنارٍ حيل يحرق لظاها
إن كان ما جبناه شارون بثراك= كل العرب لازم تنتف الحاها
عاجز عن الممشى ولكنها خطاك= تتعب عداكم قبل تاصل مداها
زلزلتهم بالحق والرب قداك= وعلى طريق الخير نفسك هداها
انت العظيم اللي فريدة مزاياك=ذيبٍ مراقيب الشجاعة رقاها
وانت الشجيع اللي تحت حد شلفاك=طوعت عدوانك وسالت دماها
وانت النقي الطاهر اللي بكيناك=والدار من عقبك كساها عماها
عقب صلاة الفجرقابلت مولاك=دارك تعطر تربها مع سماها
طاهر نقي اردان ياشيخ تفداك= ناسٍ تبرى وقتها من خزاها
ناسٍ تنام وتنتظر وعد افاك= اللي هرج له هرجةٍ ماحماها
انت الأمل للقدس ياشيخ لولاك=ماتت قضيتنا ومتنا معاها
ودعتنا ياشيخ والقدس تنخاك= تبكي عليك وعاقدة بك رجاها
تبكي عليك مخضبٍ خدها دماك=لاجلك تحدر دمعها ياظناها
وش عذرنا عنها لوحدك تركناك=ما كننا في يوم نسمع بكاها
اعذروني احبتي فالمصاب جلل وقد استوقفتني دموعي
فلم استطع اكمالها
وتقبلوها بكل مافيها من قصور فهي وليدة الحزن والفاجعة
نسأل الله العلي العظيم أن يغفر للشيخ ويتقبله