الله اكـــبر قام يصـــغر بالنظـر بيت القصيد = يــوم يـوم الزحـــــف ولى حــرفــه وشـــح بعطاه
كيف من زحــف المشاعر فـر عــله مايعيد = دام هــذا موقـفه !! وينــه عــن اللي بـــه نخاه!!
ابدا ابدا عادته لو راح مايبــعد بعـــيد = قــبل قــبل شــوي يرقـص بيـن فــكري والشفاه !!
ماعلــينا ماعــلينا مــوت حـرف ولا الفقيد = وكان هــــــف مقـــيـــط والله ماســـالنا عن رشاه
مايطـير الطـــير الاخضر دام مخضر الجريد = قـــبل قبـــل ارفـــــع لصــــوتي ســـبح ولبى نداه
الحـــق الحق قبل يلحـق عمر عمري لاتحيد = ولا تــــــرد اليــــن تاخــــــذ رد خـــطي لاقـــراه
قله آســـف آسف آســف قل ويدري ماتفيد = بـس بـــس الامـــــر لله قــل يقــــول امر وقضاه
قل يقــول آمــر تدلل وامـــرك ورايك ســديد = قــل يقـــــول ان كان يبغــى الروح قـله من فداه
قل يقــول وحــط نفسك في مكانه واستعيد = لحـــــظة المــوقـف وقل لوعشــتها كيف السواه
قل يقــول انته تعـــرف ان الهـوى طبعه عنيد = وقل يقول انت انت تدري وانت داري وش دهاه
قل يقــول ان كان ماجـــربت للغيـــــرة تزيد = قل يقــول تــزيــد تكــوي قـــلبك وتلــعـن ثواه
قل يـــقول اليـــوم ذاك السـيف في كف الوليد = قـل يقــول ولــو ماربي ســــتــــر دارت رحـــــاه
آآه وش وش ذنب الاخضر نتعبه ! اممممممممم عنده بريد = وخـله يفــكــر على مهــله عــسى يعرف خطاه
ياحبيـــبي والله وربي على قـــــولي شهيد = ان حبـك هو فــــقــط لاغيـــر شـــريان الحــياه
كان ماتدري ترى انتــه دمــي اللي بالــوريد = وياعسى ماعــــاش مــن لاصــان دمـه واحتماه
عاد لك قـــدمت عـــذري من ورى اسوار الحديد = وانــت كــلك ذوق والله مايخـــيـــب مــن رجاه
رد اباعرف وش مصـيري ياشــقي والا ســعيد = وكــان مالك بي نظـــــر قل طــــيب المولى ثراه
وافي
.
.