هيه ياغصنٍ تمايل بالدلال=ماتخاف الكسر لاهبّ الهبووب
وماتخاف الله وتسعى بالعدال=أنصف من لحاظ عينيك القلوب
لامتى ذبح العرب عندك حلال=تابت العالم متى عينك تتوب
مير قلبي يالغضي بيعه محال=ماأقدر أعطي لو تبي مني ذنوب
أشهد إنك بالحلى فقت الخيال=وعيب حسنك كان في حسنك عيوب
شارقه في طلعتك شمس الجمال=وجامعٍ في ضحكتك كل امحبوب
الخمل فيني أنا مابك خمال=مشملٍ نوّك .. وأنا نوّي جنووب