مادام انــي تــركت الــشعر هــذا لي ثـلاث اسنين
اطـــاوع رغـبة احــساسي بعــد مـا بـاح مكــنونه
=
جلست احوس لي ساعه بغيت الدرب مدري وين
ســبايـب من غــرام الشوق شفته داخل عـــــيونه
=
بعــد مــا لاح بــــرق الخد اردد ياصلاة الــزين
على اللي يقصر الخطـوة أخــذ يمشي على هـونه
=
رمـاني بـنظـرة ٍ قشرا بدل وحـدة غدت ثـنـتـين
عــلامه مـا رمـى غــيري على نــاس ٍ يـحــبونه
=
بعد تـل الــنقاب اســـفل وبـان الســيف ابوحدّين
ضـرب قلبي برمش العين في لحظات مجــنونه
=
أمــانــه كــف نـظـــراتــك دخـيـلك خــــلها بـعـديـن
تــرى قلـبي خضــر لاشـك غــيرك حال من دونه
=
انـا لـولا الظـــروف اللي تــلازمـني لـها يــومـين
لا اجـيب العــيد فـــي وصـــفه بشي ٍ ما تعرفونه
=
مشـــاعـر مــا تــجي صـدفة تجي لمورد الخـدين
مـتى مــا حـــانت الفـرصة قصيدي زانت لحونه