عرض مشاركة واحدة
قديم 28 / 10 / 2018, 02 : 07 AM   #11
wafei 
مدير عام المنتديات

 


+ رقم العضوية » 1
+ تاريخ التسجيل » 16 / 04 / 2001

+ الجنسْ »

+ الإقآمـہ »

+ مَجموع المشَارگات » 36,644
+ معَدل التقييمْ » 9599
شكراً: 200
تم شكره 42 مرة في 40 مشاركة

wafei غير متواجد حالياً

افتراضي رد: كيف سجلت في الوئام

المشاركة الأصلية كتبت بواسطة عبدالله 12 نقره لعرض الصورة في صفحة مستقلة

تفضلت أختي الكريمة لينا بالاستفسار عن كيفية تسجيلي في "الوئام"، وعن سبب اختياري للرقم 12، وعليه اطرح لكم القصة بالتفصيل الممل.

القصة بدأت عندما أخبرني صديق عن سوق كبير جداً اسمه سوق المنتديات، وتشوقت كثيراً لأزور ذلك السوق. ولهذا قررت أني أزوره في ليلة خميس.
الصراحة عندما دخلت السوق ما صدقت اللي شفته، لأنه ما كان يخطر على بالي وجود سوق مثله عندنا.
كانت المحلات على الجهتين وعددها يمكن يوصل إلى ألف محل، وعلى كل محل لوحات مكتوب عليها اسم منتدى إضافة إلى ما يميز كل منتدى.
مثلاً، المنتديات الدينية مكتوب على واجهة المحل أدعية أو تسمع إذا مريت جنبها تسجيلات لمحاضرات، والمنتديات الرياضية عليها صور اللاعبين الأوربيين المشهورين، والمنتديات النسائية عليها دعايات لأخر موضات اللبس والشعر، وأخر طبخات منال عالم، وهكذا بقية المنتديات.
كل ما لا تتوقعه موجود في ذلك السوق، باختصار عالم كله أصوات وفلاشات وشباب وشابات يمشون في كل اتجاه بالسوق.

المهم، وقفت عند واحد من "الكوفي شوبز" يقال لي أتعاطى القهوة عندهم. طلبت نوع القهوة اللي أبيها وجلست على كرسي من الكراسي الموجودة خارج المقهى انتظر الطلب يجي.
بديت اتلفت يمين ويسار "ابحلق" في المحلات وفي الناس اللي يمشون، وفجأة طالعت قدامي وشفت بنتين واقفات في الناحية الثانية من الممر، وكانت وحدة منهن تناظر باتجاهي،
طبعاً خجلت كعادتي في مثل هذا الموقف >>> واثق من نفسه
وصرت أناظر الأرض.
بعد كم ثانية رجعت أطالع في البنت مرة ثانية لقيتها تبتسم، وعند ذلك – وبدون أن أشعر – لقيت نفسي ابتسم لها ابتسامة عرضها مترين ونصف،
وفي تلك اللحظة نويت أروح لها، وقبل ما أتحرك باتجاهها طالعت خلفي علشان أتأكد أنه ما أحد لاحظ البنت وهي تبتسم ليّ.
ولما طالعت في الكرسي اللي خلفي شفت شاب وسيم متشخص يأشر لها ويبتسم لها.

وعندها عرفت أن المقصود بنظرات البنت وابتساماتها واحد ثاني غيري. طبعاً زعلت، وفي نفس الوقت حسيت بالفشيلة، وقمت من مكاني بسرعة أدور على أول باب أدخل منه أو أطلع منه . . لعلي أختفي من ذاك المكان.
المهم، دخلت مع أول باب لقيته، وطلع أنه مدخل لمنتدى من المنتديات. طبعاً أنا ما كان لي هدف من الدخول إلا الهروب من فشلتي قدام البنتين.
في كاونتر الاستقبال قابلني شخص يظهر أنه كان معصب في ذاك الوقت وقال أن اسمه وافي، وأنه مدير المنتديات.

قلت له بعد السلام: وش فيه عندكم؟
قال: يخوي أنت داخل إلى منتديات محترمة . . منتب داخل مطعم كبدة وتقاطيع.
قلت له: أنا أسف . . أنا قصدي كيف أسجل عندكم.
قال لي: هات بطاقة الأحوال، والرخصة وشهادة التطعيم ضد الكوليرا وشلل الأطفال.
قلت له: عندي البطاقة والرخصة . . تكفي وإلا لا؟
قال: تكفي مؤقتاً بس بعدين تجيب الباقي.
قلت: طيب.
قال لي: وش تحب يكون اسمك في المنتدى؟
اعطيته اسمي الرباعي . .
قال لي: يا أخوي هذا مهوب صندوق التنمية العقاري علشان تعطيني اسمك الرباعي . . . عطني الاسم اللي ودك تستخدمه في المنتدى.
قلت له: عبدالله
بعد ما "شيّك" على الاسم في الكمبيوتر لقي أنه مستخدم من السابق لعضو ثاني،
قال لي: يا أخي عطنا اسم ثاني هذا الاسم موجود من أول.
قلت له ببلاهة: منين اجيب لك اسم ثاني؟.
وهنا "ولّع" وافي وقال لي: يا أخي تراك عليتني . . الساعة الحين صارت 12 وأنت ما أخترت اسمك؟
قلت له: خير إن شاء الله . . وش يصير إذا صارت 12.
المهم إن وافي شكله طفش منّي وسجل الاسم كذا.

آمل أن يكون في هذا توضيح لكيفية التسجيل، وسبب اختيار الاسم. وقد يكون من المناسب لمن يريد أن يقول لنا كيف سجل في "الوئام" وسبب اختيار الاسم إذا اردتم.


دمتم سالمين.




لااله الا الله



ماادري الموضوع هذا فين كان عني ماادري انا فين كنت عنه

لكن صدق من قال " مصير الحي يتلاقا "


نقره لعرض الصورة في صفحة مستقلة



اما عاد سالفتك انت ووافي عند تسجيلك
انا ناسيها بعد هالعمر هذا كله
لكن بما اننا الصبح ومااحب استفتح يومي بـ امممم نقره لعرض الصورة في صفحة مستقلة
لكن على مايبدو لي ان ماذكرته اقرب للحقيقة



نقره لعرض الصورة في صفحة مستقلة





...

...

 

  رد مع اقتباس