ابوصديق المصلحه وابوك يالحظ الردي=مااردى من صغار الحظوظ الا صديق المصلحه
الحظ لامنه كفر متى على الله يهتدي=وراع المصالح مايفارق لين ياخذ مطمحه
تجمعوا في حلتي في ثوب رجال اجودي=وسهومهم ماتضرب الا ضربتينٍ مبرحه
يعني سهومٍ صايبه وانت تحبي والا تعدي=والرجل لاكثرت طعونه للشماته تطرحه
هذا كلامي لو اصير بدرب ماشي بوحدي=وانا مجرب والتجارب بالليالي مربحه
ماباقي من اصحابي الا واحدٍ فيه اقتدي=ابقتدي به واتشرف واتنومس وامدحه
ان كان قافي شح من دونه عسى يخيب جهدي=واكبر خساره تمسك يميني قلم والمسبحه
عزالله انك يارفيق الدرب عزي وسعدي=يالشامخ الشهم الكريم الطيب مال وتربحه
جعلك تعيش بعز بالدنيا وتبقى يابعدي=انته مدون لوقريته صعب افسر واشرحه
ياخونة التعبير في تاريخ من وين ابتدي=قدمي بحر فكرت اغطسه والمصيبه ماسبحه
وابوصديق المصلحه لاجا مع الحظ الردي=ماردى من صغار الحظوظ الاصديق المصلحه