منتديات الوئام - عرض مشاركة واحدة

19 / 04 / 2009, 15 : 03 PM

تمنيتك وانا في نشـوة افراحـي معـي حاضـر
تهنينـي قبـل غـيـرك حيـاتـي لا يهنيـنـي..
تمنيتـك معـي تفـرح قبـل لا انتظـر باااكـر
قبل لا تذبل زهـور الفـرح فـي راحـة يدينـي
تمنيتـك وطـول الليـل ياعمـري وانـا ساهـر
اردد فيـك اشعـاري عسـى شعـري يسليـنـي ..
تمنيتـك قبـل يصحـي حياتـي حظـي العاثـر
قبل يصحي (رهين) اللي تخبـره عايـشٍ فينـي
تمنيتـك وطـال الليـل ياعمـري وانـا صابـر
ابي وصـلٍ علـى بـرد الليالـي منـك يدفينـي ..
تمنيتك وانـا لازلـت يـا عمـري تـرى خابـر
شموعك يوم قالت لي( ترى وصلك يضويني )!!!!
تمنيتك وانا لا زلـت يـا عمـري تـرى فاااكـر
(تحياتك)هذيك اللـي (الـى بعـدت تدنينـي)!!!!
تمنيتـك قبـل لا اسمـع قصيدة(بكـره مسافـر)
قبل لا اقول يا عمـري (تـرى بعـدك يبكينـي)
تمنيتـك ولانـي قايـلٍ لـك يــوم ياهـاجـر
لكن اخاااف يـا عمـري تجـي بكـره تعزينـي..

ارسل ترى بعض المراسيل تشفي
واكتب غرامك وادمجه بالعناوين
لا غبت نار البعد ما عاد تدفـي
والعقل يصبح مثل عقل المجانين
تعال واقرب خل صفـك بصفـي
بعد المسافة يتعب الروح والعين

علمتني يالوقت ،، مـا احـب كوعـي ،،
ولا فيه شخص من البشر ،، حب كوعه ،،
أنــا مـع الأيــام ،، طـابـت طبوعـي ،،
يــا كثـر والله مـن يـغيـر ،، طبـوعـه ،،

الهـوى والحب كله لـك عطــيت
والغــلا لك مالاحــد غـيــرك غلا..
فـوق عرش القلب يالخل استويت
لـك مقام اعـــلى وغـيرك ماعلا..
بانـي لـك في صميم القــــلب بيت
مااحـد غـــيرك قــــدر بـه يـنــزلا
غصب قلب العاشق المغرم خذيت ..
وروحه وقلبه فــــدى ريم الفــلا
احكم بحكمك وفي حكمك رضيت ..
واعــلن الواقع عـــلى كـل المــلا
اســــعـد الايام يـــــــوم بـه لـــــفيت ..
يوم انـا وايــاك يالــخـل قــبــــلا
اســـتنير بنور خـــــــدك لابديـــــت ..
عنه نـور البـدر يالـــخــل انـجـلا
والعــــيون اللي رمتـــني وانرمـيت ..
سحــــرها تخفـيه باهـداب كحلا
وقــــدك الميـاس لامـــــن انـثـــنيت ..
مـن يـشـــوفونه يـصيرون قــــتلا
في غيـــابك لو دقـــــــيقه ماسليــت
ولو باوصف لك .. عجزت اكمـلا..

احبك قد حبي لك ،
ولا عنـدي لحبـك زيّ
ولا أحدٍ منّي يآخذني سواك ،
ولا يرجعني!!
أنا لك مثل ما ودّك ،
ولا ودي بغيرك لـيّ
يا مغنيني عن الدنيا ومـا فيهـا
ومقنعنـي!

سويحــــرة .. لاتنكــرين .. الاّ بعـــد سحــرك قــوي
وانا اشهــد انك تسلبيـن العـــقل بالســحر الحــلال
بلسانك الســكر يــذوب وفي شفــاهك يستـــوي
وياما غفـر لك من ذنـــوب تــذوب ماتاخذ مــجال
واليا ابتسمــتي كل عــرق في خفــوقي يــرتوي
واروى عطـش .. بين البـروق .. وبين هـمال الخـيال
ورمـشٍ مظلل وجنـتك نوى وحقـق مانـوي
بات القـمـر في ظله .. حـكاية حـجاجك والهلال
وان ثار شـلال الشـعر تطـويني امـواجه طـوي
والحـالة اللي شفتــها .. تغـنيك عن ذاك السؤال
في رقتـك بنـت الحضر .. في عـزتك بنت بـدوي
مافيك عيب .. الا الغــرور .. وكثر حبك للدلال
ومصيبتـك .. عند الزعـل يحـكي على لسانك خـوي
لكـن تعال .. اقــرأ عليك ..ان جـاز لك رايي تعال
طال انتـظاري واحتــرق بالشــوق قـلب المهــتوي
والدمـــع الازرق مابكـت فــرقاه حــبات الـرمال
متـى كفـوفك يالحبــيب لدمــع عــيني تحــتوي
والوقـت عمـــري يســرقه وانتـه ظـروفك لاتـزال